কাজিৰঙা ৰাষ্ট্ৰীয় উদ্যানত সংঘটিত হৈছে ৰাজ্যৰ ২০২৩ চনত গঁড়ৰ চোৰাং চিকাৰৰ প্ৰথমটো ঘটনা। কাজিৰঙা ৰাষ্ট্ৰীয় উদ্যানৰ বাগোৰী ৰেঞ্জৰ কাঠপাৰা বন শিবিৰ অঞ্চলৰ পৰা সোমবাৰে (২৭ মাৰ্চ) অসম বন বিভাগৰ বিষয়াসকলে এটা প্ৰাপ্তবয়স্ক গঁড়ৰ মৃতদেহ উদ্ধাৰ কৰে।
গঁড়টোৰ মৃতদেহ উদ্ধাৰ কৰাৰ পিছত বন বিভাগৰ বিষয়াসকলে গঁড়টোৰ খৰ্গটো নোহোৱাটো প্ৰত্যক্ষ কৰে।
লগতে পঢ়ক: মৰ্মান্তিক! নলবাৰীত ভয়াবহ পথ দুৰ্ঘটনাত থিতাতে নিহত পতি-পত্নী; কথমপি প্ৰাণৰক্ষা শিশুৰ
প্ৰাথমিক তদন্ত অনুসৰি, গঁড়টো প্ৰায় ৪-৫ দিন আগতে চোৰাং চিকাৰীয়ে হত্যা কৰিছিল বুলি ধাৰণা কৰা হৈছে। চোৰাং চিকাৰীয়ে ইয়াৰ খৰ্গটো লৈ পলাই গৈছে।
ইয়াৰ পূৰ্বে ২০২৩ চনৰ জানুৱাৰী মাহত অসম চৰকাৰে দাবী কৰিছিল যে ২০২২ চনত গঁড়ৰ চোৰাং চিকাৰৰ কোনো ঘটনা ঘটা নাই।
লগতে পঢ়ক: সুষমা স্বৰাজৰ কন্যাৰ ৰাজনীতিত পদাৰ্পণ; দিল্লী বিজেপিৰ আইনী কোষৰ গুৰু দায়িত্বত বাঞ্চুৰী স্বৰাজ
বিপলুপ্তপ্ৰায় এশিঙীয়া গঁড়বোৰক সিহঁতৰ খৰ্গৰ বাবে চিকাৰ কৰা হয় যাৰ কথিত ঔষধি মূল্যৰ বাবে আন্তৰ্জাতিক ক’লা বজাৰত উচ্চ মূল্য লাভ কৰে।
বিশ্ব ঐতিহ্যক্ষেত্ৰ অসমৰ কাজিৰঙা ৰাষ্ট্ৰীয় উদ্যানত বিশ্বৰ সৰ্বাধিক এশিঙীয়া গঁড় আছে।
