ত্ৰিপুৰাৰ গোমাটি জিলাৰ নতুন বজাৰ অঞ্চলত শনিবাৰে অনুময় চাকমা নামৰ এগৰাকী বাংলাদেশী লোকক আৰক্ষীয়ে আটক কৰা হয়।
চাকমা বাংলাদেশৰ খাগৰাচাৰি জিলাৰ বাগাপাৰা গাঁৱৰ বাসিন্দা। আৰক্ষীয়ে ব্যক্তিগৰাকীৰ পৰা দুটা ৯ এম এম পিষ্টলৰ লগতে চাৰিটা মেগজিন জব্দ কৰে।
আৰক্ষীয়ে জনোৱা অনুসৰি, চাকমাই অমৰপুৰৰ কোৰবোকৰ ভগৱানটিলা গাঁৱৰ এগৰাকী যুৱতীৰ সৈতে বিবাহ পাশত আৱদ্ধ হয়।
অনুময় চাকমাই প্ৰায়ে অবৈধভাৱে ভাৰত-বাংলাদেশ সীমান্ত অতিক্ৰম কৰি ত্ৰিপুৰালৈ অহা-যোৱা কৰি থাকে।
আৰক্ষীৰ জেৰাত চাকমাই তেওঁৰ পৰা জব্দ কৰা অস্ত্ৰ-শস্ত্ৰ খিনি আগৰতলাৰ এজন লোকৰ পৰা সংগ্ৰহ কৰি খগৰাচিৰ বকুলমনি চাকমাৰ হাতত দিবলৈ গৈ আছিল বুলি উল্লেখ কৰে।
আনহাতে, অন্য এটা পৃথক ঘটনাত নগাঁৱৰ ইতাচালি অঞ্চলৰ পৰা দেওবাৰে অসম আৰক্ষীয়ে দুগৰাকী বাংলাদেশী নাগৰিকক গ্ৰেপ্তাৰ কৰে।