১৪ মাৰ্চ অৰ্থাৎ শনিবাৰে নিশা কলিয়াবৰৰ শিলঘাটত সংঘটিত হোৱা লোমহৰ্ষক হত্যাকাণ্ডৰ মূল অভিযুক্ত জয়ন্ত কুমাৰ বৰ্মনক অৱশেষত আজি লখিমপুৰ আৰক্ষীয়ে গ্ৰেপ্তাৰ কৰিবলৈ সক্ষম হয়।
হত্যাকাণ্ডটো সংঘটি কৰিয়েই লখিমপুৰৰ ভাগিনীয়েকৰ ঘৰলৈ পলাই যোৱা জয়ন্ত বৰ্মনক লখিমপুৰ সদৰ আৰক্ষীৰ এটা দলে গ্ৰেপ্তাৰ কৰে।
বৰ্তমান লখিমপুৰ আৰক্ষীৰ জিম্মাত আছে অভিযুক্ত হত্যাকাৰী।
উল্লেখ্য যে কলিয়াবৰৰ শিলঘাটৰ অসম সমবায় মৰাপাট কলৰ আবাসিক এলেকাত শনিবাৰে নিশা তিনি কন্যাসহ পত্নীক চোকা অস্ত্ৰৰে ডিঙি ৰেপি হত্যা কৰিছিল জয়ন্ত বৰ্মনে।
এই চাঞ্চল্যকৰ হত্যাৰ পিছতেই ঘৰৰ পৰা পলায়ন কৰিছিল অভিযুক্ত জয়ন্ত কুমাৰ বৰ্মনে আৰু দেওবাৰে নিশা লখিমপুৰৰ ভাগিনীয়েকৰ ঘৰলৈ গৈছিল বুলি জানিব পৰা যায়।
আনহাতে আৰক্ষীৰ জেৰাত মূল অভিযুক্ত জয়ন্ত বৰ্মনে মুখ খুলিলেহে ঘটনাৰ প্ৰকৃত ৰহস্য পোহৰলৈ আহিব।