কলিয়াবৰৰ নলতলীত নিশা সংঘটিত হৈছে এক ভয়ংকৰ বাইক দুৰ্ঘটনা। এই দুৰ্ঘটনাত মৃত্যু হৈছে চুলুং আৰক্ষী চকীৰ কনিষ্টবল অৰূপ বসুমতাৰী(৫০)ৰ।
নিশা কৰ্তব্য পালনৰ বাবে কলিয়াবৰৰ বৰচুঙৰ বাসগৃহৰ পৰা চুলুং আৰক্ষী চকীলৈ গৈ আছিল আৰক্ষীজন।
নিৰ্মীয়মাণ পথৰ দ-গাঁতত বাইকখন সোমাই যোৱাত দুৰ্ঘটনাত পতিত হয় অৰূপ বসুমতাৰী।
ততাতৈয়াকে উলুৱনী আৰক্ষী থানাৰ আৰক্ষী বিষয়া অৰূপ ডেকাৰজাই নিজৰ গাড়ীত তুলি বসুমতাৰীক লৈ আনে জখলাবন্ধা হাস্পতাললৈ।
জখলাবন্ধা হাস্পতালত অৰূপ বসুমতাৰীক মৃত ঘোষণা কৰে চিকিৎসকে।
অৰূপ বসুমতাৰীৰ মৃত্যুত শোকৰ ছাঁ পৰিছে চুলুং আৰক্ষী চকীৰ লগতে বৰচুঙৰ নিজা গাঁও খনত।
