কৰোণা সংকটক লৈ কেন্দ্ৰীয় চৰকাৰক পুনৰ সমালোচনা মোদীৰ একালৰ পৰামৰ্শদাতা প্ৰশান্ত কিশোৰৰ

দেশৰ কৰোণা সংকটক লৈ পুনৰ কেন্দ্ৰীয় চৰকাৰৰ বিৰুদ্ধে ক্ষোভ উজাৰিলে ৰাজনৈতিক কৌশলবিদ তথা প্ৰধানমন্ত্ৰী নৰেন্দ্ৰ মোডীৰ একালৰ নিৰ্বাচনী পৰামৰ্শদাতা প্ৰশান্ত কিশোৰে।

তেওঁ কয় যে ভাৰতে এইমুহূৰ্তত বিশ্বৰ আটাইতকৈ বৃহৎ কৰোণা সংকটৰ মুখামুখি হৈছে।

ইয়াক তেওঁ দুৰ্ভাগ্যজনক বাস্তৱ হিচাপে অভিহিত কৰে।

মঙলবাৰে তেওঁ এটা টুইটৰ দ্বাৰা এই বক্তব্য আগবঢ়াইছে।

The erroneous use of the phrase “दुनिया का सबसे बड़ा” as PREFIX to amplify efforts is quite sickening.

– Claiming India’s #CovidTesting and #CovidVaccination as world’s biggest is plain PROPAGANDA

– Accepting India’s #CovidCrisis as world’s biggest is the unfortunate REALITY

— Prashant Kishor (@PrashantKishor) April 27, 2021

ক’ভিড ভেকচিনক লৈ কেন্দ্ৰ চৰকাৰে ‘প্ৰপাগাণ্ডা’ চলোৱা বুলি তেওঁ টুইটটোত অভিযোগ কৰে।

তেওঁৰ মতে, ‘বিশ্বৰ আটাইতকৈ বৃহৎ’ ভেকচিন উৎপাদক দেশ কিম্বা কৰোণা পৰীক্ষাত সকলোতকৈ আগত- এনেধৰণৰ যিসমূহ প্ৰচাৰ কৰা হৈছে, সেয়া প্ৰপাগাণ্ডাৰ বাহিৰে একো নহয়।

তেওঁ কয় যে সকলোৱে মানি ল’ব লগা বাস্তৱ কথাটো হ’ল যে এই মুহূৰ্তত ভাৰতৰ ক’ভিড সংকটেই হৈছে বিশ্বৰ সকলোতকৈ বৃহৎ সংকট।

ইয়াৰ পূৰ্বেও ৰাজনৈতিক কৌশলবিদজনে কৰোণাক কেন্দ্ৰ কৰি কেন্দ্ৰ চৰকাৰৰ সমালোচনাত মুখৰ হৈছিল।

কেন্দ্ৰ চৰকাৰে কৰোণা ৰোধ কৰিবলৈ লোৱা ব্যৱস্থাসমূহক তেওঁ অদূৰদৰ্শী বুলি মন্তব্য কৰিছিল।