যোৱা ১২ মে’ত বলীউদৰ অভিনেত্ৰী ইলিয়ানা ডি ক্ৰুজে সামাজিক মাধ্যমৰ এটা চাইটত নিজৰ তিনিখন ফ’টো শ্বেয়াৰ কৰিছিল। ফ’টোকেইখন শ্বেয়াৰ কৰাৰ পাছতে সামাজিক মাধ্যম তীব্ৰ চাঞ্চল্যৰ সৃষ্টি কৰে। কাৰণ সেই ফ’টো তিনিখন শ্বেয়াৰ কৰি তেওঁ নিজৰ মাতৃত্বৰ কথা ঘোষণা কৰিছিল।
নিজৰ গৰ্ভাৱস্থাৰ ফ’টো শ্বেয়াৰ কৰি সামাজিক মাধ্যম তীব্ৰ ট্ৰল সন্মুখীন হৈছিল অভিনেত্ৰীগৰাকী। বিবাহ নোহোৱাকৈ অভিনেত্ৰীগৰাকী গৰ্ভৱতী হোৱাৰ বাবেই সমালোচনাৰ সন্মুখীন হৈছে। ইমানেই নহয় ছ’চিয়েল মিডিয়াত নেটিজেনে তেওঁক লৈ বিভিন্ন ধৰণৰ অশ্লীল মন্তব্যও কৰিছিল।
ইলিয়ানাই মাতৃ হোৱাৰ খবৰটো পোষ্ট কৰিলে। কিন্তু সমগ্ৰ ছ’চিয়েল মিডিয়াত প্ৰশ্ন উত্থাপন হৈছে। ইলিয়ানাৰ বিয়া হোৱা নাই। গতিকে তেওঁৰ সন্তানৰ পিতৃ কোন? ইতিমধ্যে নেটিজেনে ইলিয়ানাক বিভিন্ন ধৰণে ঠাট্টা-মস্কৰা কৰিবলৈ আৰম্ভ কৰিছে। ভৱিষ্যত সন্তানৰ পিতৃৰ পৰিচয়ক লৈ বিভিন্ন ধৰণৰ কথা-বতৰা চলিছে। বহুতে সুধিছে গোপনে বিয়া পাতিলে নেকি?
কিন্তু ইলিয়ানাই এই সকলোবোৰৰ প্ৰতি কোনো গুৰুত্ব নিদিলে।
বৰঞ্চ ইলিয়ানাই নিয়মিতভাৱে ছ’চিয়েল মিডিয়াত ছবি পোষ্ট কৰি গৰ্ভাৱস্থাৰ উপভোগহে কৰিছে। এই ট্ৰল আৰু সমালোচনাৰ মুখনি মাৰিবলৈ এতিয়া ইলিয়ানাই তেওঁৰ জীৱনৰ ৰহস্যময় মানুহজনক সন্মুখলৈ আনিছে। কিন্তু, ইয়াৰ পাছতো শেষ হোৱা নাই ৰহস্যৰ। কাৰণ তেওঁ নিজৰ গৰ্ভস্থ সন্তানৰ পিতৃক অনুৰাগীৰ আগলৈ লৈ আনিলেও তেওঁক পৰিচয় কৰাই দিয়াৰ পৰা বিতৰত থাকিল অভিনেত্ৰীগৰাকী। ফ’টোখন ৰাজহুৱা কৰাৰ পিছতো অভিনেত্ৰীগৰাকীয়ে ব্যক্তিজনৰ বিষয়ে কোনো তথ্য প্ৰকাশ কৰা নাই।
উল্লেখেয যে, অষ্ট্ৰেলিয়াৰ ফটোগ্ৰাফাৰ এণ্ড্ৰু নিব’নৰ সৈতে ইলিয়ানাৰ সম্পৰ্ক আছিল। কেইবাবাৰো তেওঁৰ সৈতে কেমেৰাৰ সন্মুখত পোজ দিছিল ইলিয়ানাই। ২০১৯ চনত দুয়োৰে বিচ্ছেদৰ খবৰ পোহৰলৈ আহিছিল। অৱশ্যে এই বিষয়ে এণ্ড্ৰুৱে কোনো মন্তব্য দিব বিচৰা নাছিল, তথাপিও ইলিয়ানাই বিচ্ছেদৰ খবৰটো মানি লৈছিল।
তাৰ পিছত খবৰ আহিল যে ইলিয়ানাই কেটৰিনা কাইফৰ ভাতৃ চেবাষ্টিয়ান লৰেণ্ট মিচেলৰ সৈতে ডেটিং কৰি আছে। অৱশ্যে সেই প্ৰেমক লৈ ইলিয়ানাই কোনোদিন মুখ খোলা নাছিল।
এতিয়া প্ৰশ্ন হয়, এই শিশুটি কেটৰিনাৰ ভাতৃ চেবাষ্টিয়ানৰ নেকি? কিন্তু ফ’টোখনত দেখা মানুহজন যে কেটৰিনা কাইফৰ ভাতৃ যে নহয় সেয়া স্পষ্ট। তেন্তে প্ৰশ্ন হ’ল, ইলিয়ানাৰ গৰ্ভস্থ সন্তানৰ পিতৃ কোন? ইলিয়ানাই ৰাজহুৱা নকৰালৈ ই ৰহস্যময় হৈয়ে থাকিব।
