চাইনাইড বিষ দি ১২ জন বন্ধুক হত্যা কৰাৰ অভিযোগ! থাইলেণ্ডৰ এগৰাকী গৰ্ভৱতী মহিলাৰ বিৰুদ্ধে উঠিছে হত্যাৰ অভিযোগ। আৰক্ষীয়ে জনোৱা মতে, নিহত আটাইকেইজনৰ বয়স ৩৩ৰ পৰা ৪৪ বছৰৰ ভিতৰত। ২০২০ চনৰ ডিচেম্বৰৰ পৰা ২০২৩ চনৰ এপ্ৰিল মাহৰ ভিতৰত আটাইকেইজনৰ মৃত্যু হৈছিল।
এই ৰোমহৰ্ষক ঘটনা সংঘটিত হৈছে থাইলেণ্ডত। অভিযুক্ত থাই মহিলাগৰাকী গৰ্ভৱতী। নাম ৰংছিউ থাপৰ্ণ। বয়স ৩২ বছৰ। তেওঁৰ বিৰুদ্ধে চাইনাইড বিষ ব্যৱহাৰ কৰি ১২ জন বন্ধুক হত্যা কৰাৰ অভিযোগ। ইয়াৰে এজন আছিল তেওঁৰ প্ৰেমিক।
যোৱা মঙলবাৰেও হত্যা কৰিছিল এজন বন্ধুক। তাৰ পাছত ঘটনাৰ তদন্ত আৰম্ভ হ’ল। তদন্ত আৰম্ভ কৰাৰ পিছতে বেংককত গ্ৰেপ্তাৰ কৰে অভিযুক্ত থাই মহিলাগৰাকীক।
চলিত মাহৰ আৰম্ভণিতে গৰ্ভৱতী মহিলাগৰাকীয়ে নিজৰ প্ৰেমিক বন্ধু ছিৰিপৰ্ণ খানোঙক একে ধৰণে হত্যা কৰাৰ অভিযোগ উত্থাপন কৰিছিল। ছিৰিপৰ্ণ খানঙৰ মৃত্যুৰ পিছতহে তেওঁ সন্দেহৰ আৱৰ্তত আহিছিল।
১৪ এপ্ৰিলত ৰংছিউ থাপাৰ্ণ আৰু ছিৰিপাৰ্ণ খানং থাইলেণ্ডৰ ৰাটচাবুৰী প্ৰদেশলৈ ভ্ৰমণলৈ গৈছিল। তাত তেওঁলোকে এখন নদীৰ পাৰত বৌদ্ধ ধৰ্মৰ সুৰক্ষা অনুষ্ঠানত অংশ লৈছিল। তাতেই নদীৰ পাৰত ৰংছিউ থাপৰ্ণৰ বন্ধু ছিৰিপৰ্ণ খানাৱঙক মৃত অৱস্থাত উদ্ধাৰ কৰা হয়।
মৰণোত্তৰ পৰীক্ষাৰ প্ৰতিবেদনত তেওঁৰ শৰীৰত চাইনাইড বিষক্ৰিয়া পোৱা গৈছে। হৃদযন্ত্ৰৰ বিকলতাকো মৃত্যুৰ কাৰণ হিচাপে দেখুওৱা হৈছে। আনকি চিৰিপৰ্ণ খানোঙক পোৱাৰ সময়তো তেওঁৰ হাতত ফোন, টকা, বেগ একো নাছিল। সকলো অন্তৰ্ধান হৈছিল। ইয়াৰ পিছত আৰক্ষীয়ে এই অস্বাভাৱিক মৃত্যুৰ ঘটনাৰ তদন্ত আৰম্ভ কৰে।
তদন্তৰ সময়ত আৰক্ষীয়ে নিশ্চিত কৰে যে ৰংছিউ থাপাৰ্নে প্ৰাক্তন প্ৰেমিককে ধৰি আন ১১ জন লোকক হত্যা কৰিছে। একে ধৰণেৰে সকলোকে হত্যা কৰে। আত্মীয়ই জনোৱা মতে তেওঁলোকৰ সকলো গহনা আৰু নগদ ধন লুটপাত কৰা হৈছে।
উল্লেখ্য যে মৃত্যুৰ কেইমাহমানৰ পিছত মৃতদেহত চাইনাইড ধৰা পৰিব পাৰে। এই চাইনাইড বিষে শৰীৰৰ অক্সিজেন কোষবোৰক উত্তেজিত কৰি তোলে, যাৰ ফলত হাৰ্ট এটেক হয়। চাইনাইড বিষক্ৰিয়াৰ প্ৰাৰম্ভিক লক্ষণসমূহ হ’ল- মূৰ ঘূৰোৱা, উশাহ লোৱাত কষ্ট আৰু বমি হোৱা ইত্যাদি।
