এগৰাকী অবিবাহিত যুৱতী গৰ্ভৱতী হৈ পৰিল। গম পোৱাৰ পিছতে খঙত ফাটি পৰিল ঘৰৰ মানুহবোৰ। ইয়াতেই শেষ নহয়। অভিযোগ অনুসৰি, ছোৱালীজনীক তেওঁলোকে ওচৰৰ জংঘললৈ টানি লৈ গৈ গাত জুই লগাই দিয়ে। আৰক্ষীয়ে গ্ৰেপ্তাৰ কৰে অভিযুক্তক। শৰীৰৰ প্ৰায় ৭০ শতাংশ জ্বলি যোৱা যুৱতীগৰাকীক চিকিৎসালয়ত ভৰ্তি কৰা হৈছে। তেওঁৰ অৱস্থা সংকটজনক। যোগীৰাজ্য উত্তৰ প্ৰদেশৰ ঘটনা এয়া।
জানিব পৰা মতে, যুৱতীগৰাকীয়ে উত্তৰ প্ৰদেশৰ হাপুৰ জিলাৰ নৱাদা খুৰদ গাঁৱৰ বাসিন্দা। গাঁৱৰ এজন যুৱকৰ সৈতে তাইৰ প্ৰেমৰ সম্পৰ্ক আছিল। দুয়োৰে মাজত নিয়মীয়াকৈ শাৰীৰিক সম্পৰ্ক ঘটিছিল। ইয়াৰ পিছতে ছোৱালীজনী গৰ্ভৱতী হয়।
লগতে পঢ়কঃ World Heart Day 2023: কম বয়সতে হাৰ্ট এটেকৰ আঁৰত এটা ডাঙৰ ৰোগ! কি কয় চিকিৎসকে?
খবৰটো শুনাৰ পিছত যুৱতীগৰাকীৰ মাক আৰু ককায়েক খঙত জ্বলি উঠে। অভিযোগ অনুসৰি, ইয়াৰ পিছতে যুৱতীগৰাকীক ওচৰৰ জংঘললৈ টানি লৈ যোৱা হয়। তাৰ পিছতে গাত পেট্ৰ’ল ঢালি জুই লগাই দিয়া হয়।
পিছত ভুক্তভোগীক চিকিৎসালয়ত ভৰ্তি কৰোৱা হয়। তেওঁৰ শৰীৰৰ ৭০ শতাংশ জ্বলি গৈছে। অৱস্থা অতি সংকটজনক। চিকিৎসকে তেওঁক ডাঙৰ কোনো হাস্পাতালত ভৰ্তি কৰিবলৈ নিৰ্দেশ দিছে।
লগতে পঢ়কঃইয়াৰফোন, লকেট, স্ক্ৰু, ৰাখী কি যে নাছিল – পেট নহয় যেন মিউজিয়ামহে! স্তম্ভিত চিকিৎসক
ইপিনে, আৰক্ষীয়ে অভিযুক্তক গ্ৰেপ্তাৰ কৰিছে। তেওঁলোকৰ জেৰা অব্যাহত ৰাখিছে আৰক্ষীয়ে।
