দেশজুৰি কোভিডৰ মহাতংক চলি থকাৰ মাজতে কেন্দ্ৰীয় চৰকাৰে আজি এক গুৰুত্বপূৰ্ণ সিদ্ধান্ত গ্ৰহণ কৰে।
সেইমৰ্মে দেশত এতিয়াৰে পৰা গৰ্ভৱতী মহিলায়ো ল’ব পাৰিব কোভিড ভেকচিন।পূৰ্বে স্বাস্থ্যজনিত নিৰাপত্তাৰ দিশটোৰ প্ৰতি লক্ষ্য ৰাখি গৰ্ভৱতী মহিলাক কোভিডৰ ভেকচিন প্ৰদান কৰা হোৱা নাছিল।
আজি ক্ন্দ্ৰীয় স্বাস্থ্য দপ্তৰে সেই বাধা আঁতৰাই গৰ্ভৱতী মহিলায়ো ভেকচিন গ্ৰহণ কৰিব পাৰিব বুলি ঘোষণা কৰে।ইয়াৰ বাবে গৰ্ভৱতী মহিলায়ো ভেকচিন লাভৰ বাবে CoWIN এপত নিজৰ নাম পশঞ্জীয়ল কৰিব লাগিব।
অৱশ্যে ১৮ বছৰৰ তলৰ শিশুসকলক ভেকচিন প্ৰদান কৰাৰ বিষয়ত এতিয়াও কোনো সিদ্ধান্ত গ্ৰহণ কৰা হোৱা নাই।
চলিত বৰ্ষৰ ১৬ জানুৱাৰীৰ পৰা দেশত আৰম্ভ হৈছিল কোভিডৰ প্ৰথম পৰ্যায়ৰ ভেকচিন প্ৰদানৰ কাম।প্ৰথম পৰ্যায়ত স্বাস্থ্য কৰ্মী আৰু কোভিড যোদ্ধাসকলক ভেকচিন প্ৰদান কৰা হৈছিল।
দ্বিতীয় পৰ্যায়ত ৬০ বছৰৰ ওপৰৰ আৰু আন গুৰুতৰ ৰোগ থকা ৪৫ বছৰৰ ওপৰৰ লোকসকলক ভেকচিন দিয়া হৈছিল।
তৃতীয় পৰ্যায়ত ৪৫ বছৰৰ ওপৰৰ যিকোনো লোকেই ভেকচিন গ্ৰহণৰ সুবিধা দিয়া হৈছিল। ১ এপ্ৰিলৰ পৰা দেশত আৰম্ভ কৰা হৈছিল কোভিডৰ তৃতীয় পৰ্যায়ৰ ভেকচিন প্ৰদানৰ প্ৰক্ৰিয়া।
ভেকচিন প্ৰদানৰ বাবে অনলাইন যোগে পঞ্জীয়নো এতিয়াও চলি আছে।নাম পঞ্জীয়ন কৰিব পৰা যায় cowin.gov.in ৱেৱচাইটৰ জৰিয়তে।
ইয়াৰ বাবে www.cowin.gov.in ৱেৱচাইটলৈ গৈ কোভিড ভেকচিন গ্ৰহণ কৰিব বিচৰাসকলে নিজৰ নাম পঞ্জীয়ন কৰোৱাই থকা হৈছে।
চৰকাৰী চিকিৎসালয়ত এই ভেকচিন সম্পূৰ্ণ বিনামূলীয়াকৈ গ্ৰহণ কৰিব পৰা যায়।
গৰ্ভৱতী মহিলা আৰু শিশুক দু্গ্ধ পান কৰোৱা মহিলাই ভেকচিন গ্ৰহণ নকৰাটো উচিৎ নহ’ব বুলি স্বাস্থ্য দপ্তৰে প্ৰকাশ কৰিছিল।
ভেকচিনে গৰ্ভৱতী মহিলাৰ ক্ষেত্ৰত কিবা প্ৰভাৱ পেলায় নেকি সেই বিষয়ত গৱেষণা চলি থকাৰ বাবেই তেনেদৰে কোৱা হৈছিল।কিন্তু এতিয়া সেই বাধা আঁতৰিল।
উল্লেখ্য অক্সফ’ৰ্ডৰ আষ্ট্ৰাজেনেকাৰ কোভিডশ্বীল্ড আৰু ভাৰত বায়’টেকৰ কোভাক্সিন নামৰ কোভিড ভেকচিন দুটাৰ উপৰি ভাৰতত এতিয়া ৰাছিয়াৰ স্পুটনিক-ভি ভেকচিনৰো প্ৰয়োগ আৰম্ভ হৈছে।
বৰ্তমান দেশত মুঠ কৰ’না আক্ৰান্ত ৰোগীৰ সংখ্যা হৈছে ৩কোটি ৪লাখ ৫৮ হাজাৰ ২৫১ জন।
আনহাতে, যোৱা ২৪ ঘণ্টাত দেশত ৮৫৩জন কোভিড আক্ৰান্ত লোকৰ মৃত্যু হৈছে।
মন্ত্ৰ্যালয়ে প্ৰকাশ কৰা অনুসৰি দেশত এতিয়ালৈকে মুঠ কৰ’না আক্ৰান্ত মৃত্যুৰ সংখ্যা হৈছেগৈ ৪লাখ ৩১২ জন।
বৰ্তমান দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ৫লাখ ৯হাজাৰ।
দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ৫৯ হাজাৰ ৩৮৪জন।
দেশত ইতিমধ্যে ৪১ কোটিৰো অধিক লোকৰ কৰ’না পৰীক্ষা সম্পন্ন হৈছে। যোৱা ২৪ ঘন্টাত প্ৰায় ১৮ লাখ ৮০হাজাৰ লোকৰ কৰ’না পৰীক্ষা কৰা হৈছে।
বৰ্তমানলৈ দেশত ৩৪কোটি ৭৬হাজাৰ ২৩২জন লোকক কৰ’নাৰ ভেকচিন প্ৰদান কৰা হৈছে।