আৰ এছ এছ ৰ ৰোষত কৰ্ণাটকৰ তথ্য-প্ৰযুক্তি/জৈৱ প্ৰযুক্তি, মন্ত্ৰী প্ৰিয়ংক খৰ্গে। তেওঁ ৰাষ্ট্ৰীয় স্বয়ংসেৱক সংঘৰ অনুষ্ঠানৰ বাবে চৰকাৰী সম্পত্তি ব্যৱহাৰ কৰাত নিষেধাজ্ঞা আৰোপ কৰাৰ দাবী উত্থাপন কৰাৰ পিছৰে পৰা সংঘই তেওঁক ধাৰাবাহিকভাৱে ভাবুকিমূলক ফোন আৰু গালি-গালাজৰ বাৰ্তা প্ৰেৰণ কৰা বুলি দাবী উত্থাপন কৰিছে।
খাৰ্গে টুইট কৰি কয় যে যোৱা দুদিন ধৰি ফোনত তেওঁৰ লগতে পৰিয়ালৰ বিৰুদ্ধে ভাবুকি, ভয়-ভাবুকিপূৰ্ণ বাৰ্তা লাভ কৰি আহিছে। চৰকাৰী বিদ্যালয়, মহাবিদ্যালয়, ৰাজহুৱা খেলপথাৰত আৰ এছ এছৰ “শাখা” প্ৰশিক্ষণ প্ৰদান নিষিদ্ধ কৰাৰ আহ্বান জনোৱাৰ পিছতে তেওঁ ভাবুকিপূৰ্ণ বাৰ্তা লাভ কৰিছে মন্ত্ৰীগৰাকীয়ে।
কংগ্ৰেছৰ সভাপতি মল্লিকাৰ্জুন খৰ্গেৰ পুত্ৰ প্ৰিয়ংক খৰ্গে কয়, ইয়াৰ বাবে “মই বিচলিতও নহয়, আচৰিতও নহয়। যেতিয়া আৰ এছ এছে মহাত্মা গান্ধী বা বাবাছাহেব আম্বেদকাৰক ৰেহাই নিদিলে, তেতিয়া তেওঁলোকে মোক কিয় ৰেহাই দিব?” বুলি মত পোষণ কৰিছে।
উল্লেখ্য যে ৪ অক্টোবৰত তেওঁ মুখ্যমন্ত্ৰী সিদ্দাৰময়ালৈ পত্ৰ লিখি প্ৰেৰণ কৰি কয় যে আৰ এছ এছৰ কাৰ্যকলাপে শিশু আৰু যুৱক-যুৱতীসকলৰ মাজত জাতীয় ঐক্য আৰু সংবিধান বিৰুদ্ধ ধাৰণাক প্ৰসাৰিত কৰিছে।
খৰ্গে নিজৰ স্থিতিত অটল থাকি কয় যে আৰ এছ এছৰ ভাবুকিয়ে মোক নিমাত কৰিব নোৱাৰে। তেওঁ লগতে কয় এইয়া মাত্ৰ আৰম্ভণিহে, পৰৱৰ্তী সময়তো সংঘৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি মত প্ৰকাশ কৰে।
মঙলবাৰে খৰ্গে আৰ এছ এছৰ পুঁজিৰ উৎস, কোনো ৰাজ্য চৰকাৰৰ সৈতে পঞ্জীয়ন নথকালৈ সমালোচনা কৰে। ইয়াৰোপৰি আৰ এছ এছৰ মুৰব্বী মোহন ভাগৱতক গৃহ আৰু বৈদেশিক মন্ত্ৰীৰ সমতুল্য কটকটীয়া নিৰাপত্তা প্ৰদান কৰাৰ ওপৰত প্ৰশ্ন উত্থাপন কৰে প্ৰিয়ংক খৰ্গে।
