ধৰ্ষণৰ গোচৰত বিজেপি মন্ত্ৰীৰ পুত্ৰ জড়িত থকাৰ অভিযোগ; গ্ৰেপ্তাৰৰ দাবীত আগৰতলাত প্ৰতিবাদ

BJP minister’s son for alleged involvement in rape এগৰাকী ১৬ বছৰীয়া কিশোৰীক দলবদ্ধ ধৰ্ষণত জড়িত থকাৰ অভিযোগত ত্ৰিপুৰাৰ বিজেপি নেতা তথা ৰাজ্যৰ শ্ৰম মন্ত্ৰী ভগবান দাসৰ পুত্ৰক গ্ৰেপ্তাৰ কৰাৰ দাবীত বৃহস্পতিবাৰে আগৰতলাত দুটা সংগঠনৰ সদস্যই প্ৰতিবাদ সাব্যস্ত কৰে।

ভাৰতীয় ছাত্ৰ ফেডাৰেচন (SFI) আৰু অল ইণ্ডিয়া ডেমক্ৰেটিক উইমেন এছ’চিয়েশ্যন (AIDWA)ৰ সদস্যৰ প্ৰতিবাদকাৰীসকলে মন্ত্ৰী ভগবান দাসৰ পুত্ৰৰ বিৰুদ্ধে দৃষ্টান্তমূলক শাস্তিৰ দাবী জনায়।

লগতে পঢ়ক: দুধনৈত তিনি নাবালিকাক ওৰে নিশা উপৰ্যুপৰি ধৰ্ষণ তিনি পাষণ্ডৰ; ৰঙা ঘৰৰ আলহী তিনি নৰাধম

প্ৰতিবাদকাৰীসকলে বিজেপি নেতৃত্বাধীন ত্ৰিপুৰা চৰকাৰ আৰু আৰক্ষীৰ বিৰুদ্ধে অভিযুক্ত মন্ত্ৰীৰ পুত্ৰক ৰক্ষা কৰিবলৈ চেষ্টা কৰাৰ অভিযোগ উত্থাপন কৰে।

অল ইণ্ডিয়া ডেমক্ৰেটিক উইমেন এছ’চিয়েশ্যনৰ এগৰাকী নেত্ৰীয়ে কয়, “মন্ত্ৰীজনৰ পুত্ৰক বচাবলৈ আৰক্ষীয়ে স্পষ্ট প্ৰয়াস কৰিছে আৰু তথ্যবোৰ ঢাকিবলৈ চেষ্টা কৰিছে। বিজেপি চৰকাৰৰ শাসনত ত্ৰিপুৰাত মহিলাসকল সুৰক্ষিত নহয়।”

সংগঠনটোৰ কৰ্মীসকলে আগৰতলাৰ চিটি চেণ্টাৰত প্ৰতিবাদ সাব্যস্ত কৰে।

লগতে পঢ়ক: হিংসাজৰ্জৰ পাকিস্তানতকৈও কম সুৰক্ষিত ভাৰত! আটাইতকৈ বেয়া পৰিস্থিতি আফগানিস্তানৰ

ইপিনে, আগৰতলাত ত্ৰিপুৰা আৰক্ষীৰ মুখ্য কাৰ্যালয়ত প্ৰতিবাদ সাব্যস্ত কৰি চিপিআই (এম)ৰ ছাত্ৰ শাখা সংগঠন এছএফআইয়ে অভিযোগ কৰে যে মন্ত্ৰীজনৰ পুত্ৰ কুমাৰঘাট দলবদ্ধ বলাৎকাৰ গোচৰত পোনপটীয়াকৈ জড়িত আছিল।

এছএফআইৰ ৰাজ্যিক সম্পাদক সন্দীপন দেৱে ত্ৰিপুৰা চৰকাৰক সমালোচনা কৰি অভিযোগ কৰে যে ৰাজ্যখনত আইনৰ কোনো শাসন নাই।

দেৱে কয়, “ৰাজ্যখনত প্ৰায় প্ৰতিদিনেই ছাত্ৰী, নাবালিকা, যুৱতী আৰু মহিলাক ধৰ্ষণ কৰা হৈছে। এই চৰকাৰে ৰাজ্যখনৰ মহিলাসকলক সুৰক্ষা প্ৰদান কৰাত সম্পূৰ্ণৰূপে ব্যৰ্থ হৈছে।‘’

লগতে পঢ়ক: নান-ধৰ্মযাজকসকলেও পৰ্ণগ্ৰাফী চায়! এই অভিযোগ পোপ ফ্ৰান্সিছৰ

এছএফআইৰ ৰাজ্যিক সভাপতি চোলেমান আলীয়ে কয় যে আৰক্ষীয়ে মন্ত্ৰীজনৰ পুত্ৰৰ বিৰুদ্ধে ব্যৱস্থা গ্ৰহণ নকৰালৈকে তেওঁলোকে তেওঁলোকৰ আন্দোলন অব্যাহত ৰাখিব।