ক’ভিদ- ১৯ ৰ নতুন প্ৰজাতি অ’মিক্ৰণৰ সংক্ৰমণ দেশত অস্বাভাৱিকভাৱে বৃদ্ধি পাইছে। ইতিমধ্যে চৰকাৰে ক’ভিদ সংক্ৰমণৰ প্ৰতি লক্ষ্য ৰাখি ১৫ বছৰৰ পৰা ১৮ বছৰ বয়সৰ ভিতৰৰ ছাত্র-ছাত্ৰীক ভেকচিন দিয়া প্ৰক্ৰিয়া আৰম্ভ কৰিছে।
আজি বাক্সা জিলাৰ তামুলপুৰ মহকুমাৰ নাগ্ৰীজুলিস্থিত খাটৰবাৰী উচ্চ মাধ্যমিক বিদ্যালয়ত ১৫-১৮ বছৰৰ ভিতৰৰ ছাত্ৰ-ছাত্ৰী সকলক ক’ভিদ-১৯ ৰ ভেকচিন দিয়া কাৰ্যসূচী আৰম্ভ কৰা হয়।
খাটৰবাৰী উচ্চ মাধ্যমিক বিদ্যালয়ৰ প্ৰধান শিক্ষক জিতেন বড়োৰ লগতে শিক্ষক-কৰ্মচাৰীৰ উপস্থিতিত খাটৰবাৰী ৰাজ্যিক চিকিৎসালয়ৰ জেষ্ঠ্য চিকিৎসক ডাঃ মনোহৰ দাসে ভেকচিন কাৰ্যসূচীৰ শুভাৰম্ভ কৰে।
ডাঃ মনোহৰ দাসৰ তত্বাৱধানত আজি প্ৰথম পৰ্য্যায়ত নৱম আৰু দশম শ্ৰেণীৰ মুঠ ১৮০ গৰাকী ছাত্র-ছাত্ৰীক কোভাক্সিন ভেকচিন প্ৰদান কৰা হয়।
ভেকচিন প্ৰদান কাৰ্যসূচীত উপস্থিত থাকি ডাঃ মনোহৰ দাসে বিদ্যালয়খনৰ ছাত্র-ছাত্ৰী আৰু শিক্ষক কৰ্মচাৰী সকলক চৰকাৰে বান্ধি দিয়া নীতি-নিয়ম মানি চলিবলৈ অনুৰোধ জনায়।
