Kashmiri photojournalist stopped from flying out এখন চিত্ৰ প্ৰদৰ্শনীত অংশ ল’বলৈ পেৰিছলৈ যোৱাৰ কথা আছিল তেওঁৰ। শনিবাৰে দিল্লী বিমানবন্দৰত ইমিগ্ৰেচন বিভাগে আটক কৰে। অৱশেষত কাশ্মীৰৰ পুলিৎজাৰ বিজয়ী ফটো সাংবাদিক ছানা ইৰশাদ মাতট্টুৰ বাবে বিমানখন ধৰা সম্ভৱ নহ’ল। তেওঁক কিয় আটক কৰা হৈছিল সেই বিষয়ে কোনো কথা জনোৱা হোৱা নাই। ইমিগ্ৰেচন বিভাগৰ বিষয়াসকলে কেৱল জনায় যে ইৰশাদ বিদেশলৈ যাব নোৱাৰিব।
বাতিল হোৱা বৰ্ডিং পাছৰ এখন ফটো টুইটাৰত পোষ্ট কৰি ইৰশাদে লিখিছে, “মই শনিবাৰে দিল্লীৰ পৰা পেৰিছলৈ এখন গ্ৰন্থ প্ৰকাশ আৰু ফটো প্ৰদৰ্শনীত অংশগ্ৰহণ কৰিবলৈ যাবলৈ ওলাইছিলো। মই ২০২০ চনত ইৰি জে গ্ৰাণ্ট বঁটা লাভ কৰা ১০ জন লোকৰ মাজৰ ময়ো এজন। ফৰাচী ভিছা থকা স্বত্বেও মোক দিল্লী বিমানবন্দৰত আটক কৰা হয়। কোনো কাৰণ জানিবলৈ দিয়া নাই। মোক কেৱল কোৱা হৈছে যে মই বিদেশলৈ যাব নোৱাৰো।‘’
জম্মু আৰু কাশ্মীৰ আৰক্ষীৰ এক সূত্ৰই কয় যে কেন্দ্ৰই কিছুমান কাশ্মীৰী সাংবাদিকক বিদেশলৈ যোৱাত নিষেধাজ্ঞা আৰোপ কৰিছে। ইৰশাদৰ নামো সেই তালিকাত আছে। ইয়াৰ পূৰ্বে ২০১৯ চনৰ ছেপ্টেম্বৰত কাশ্মীৰী সাংবাদিক গৌহৰ গিলানীক জাৰ্মানীলৈ যাওঁতে দিল্লী বিমানবন্দৰত ৰখাই দিয়া হৈছিল। যোৱা বছৰ, সাংবাদিক-অধ্যাপক জাহিদ ৰফিকে এখন আমেৰিকান বিশ্ববিদ্যালয়ত অধ্যাপনা কৰিবলৈ যোৱাৰ সময়ত তেওঁকো বিমানত উঠিবলৈও অনুমতি দিয়া হোৱা নাছিল।
I was scheduled to travel from Delhi to Paris today for a book launch and photography exhibition as one of 10 award winners of the Serendipity Arles grant 2020. Despite procuring a French visa, I was stopped at the immigration desk at Delhi airport. (1/2) pic.twitter.com/OoEdBBWNw6
— Sanna Irshad Mattoo (@mattoosanna) July 2, 2022
২৮ বছৰীয়া ইৰশাদ এক আন্তৰ্জাতিক সংবাদ সংস্থাৰ ফটো সাংবাদিক। ২০২২ চনত ভাৰতত কোভিডৰ দ্বিতীয় ঢৌৰ ফটো তুলি তেওঁ পুলিৎজাৰ বঁটা লাভ কৰিছিল।