ইউক্ৰেইনত ৰাছিয়াৰ সামৰিক অভিযানে ইতিমধ্যে দুমাহ অতিক্ৰম কৰিছে। ৰাছিয়া-ইউক্ৰেইনৰ যুদ্ধকলৈ বিশ্বৰ দেশসমূহৰ মাজত শিৱিৰ গঠনৰ প্ৰক্ৰিয়াও চলি আছে সমান্তৰালকৈ।
শক্তিধৰ দেশ ৰাছিয়াৰ আক্ৰমণ প্ৰতিৰোধৰ বাবে যৎপৰোনাস্তি চেষ্টা অব্যাহত ৰাখিছে পূৰ্বৰ ছোভিয়েট ইউনিয়নৰ দেশ ইউক্ৰেইনে।
লগতে পঢ়ক: দাঙিব নোৱাৰা বোজা! চেন্নাই ছুপাৰ কিংছৰ নেতৃত্ব এৰি জাডেজাই দায়িত্ব ওভতাই দিলে ধোনীক
অৱ্শ্যে যুদ্ধৰ শেষত কোনে হাঁহি মাৰিব সেয়া এতিয়াও অস্পষ্ট হৈয়েই আছে। এনে পৰিস্থিতিৰ মাজতে যুদ্ধ বিধ্বস্ত ইউক্ৰেইনলৈ এক জাহাজভৰ্তি গ্ৰেনেড উপহাৰ দিছে ইউৰোপৰ দেশ স্পেইনৰ ৰাণীয়ে।
স্পেইনৰ ৰাণী লেটিজিয়াই এই উপহাৰৰ সৈতে প্ৰেৰণ কৰা পত্ৰত জেলেনস্কিক যুদ্ধ জয়ৰ বাবে আগতীয়া শুভেচ্ছাও দিছে।
স্পেইনৰ ৰাণী লেটিজিয়াই নিজ হাতেৰে লিখা পত্ৰখন সামাজিক মাধ্যমতো বিয়পি পৰিছে। তাত লিখা হৈছে,’’আপোনালোকলৈ জয়ৰ শুভেচ্ছা জনালো। ভালপোৱা সহিতে-লেটিজিয়া।
লগতে পঢ়ক: সংসদত মহিলা সহকৰ্মীৰ কাষত বহি পৰ্ণ’গ্ৰাফী চোৱাৰ অভিযোগত নিলম্বিত ব্ৰিটিছ সাংসদৰ পদত্যাগ
বাতৰি অনুসৰি, স্পেইনে প্ৰেৰণ কৰা জাহাজভৰ্তি গ্ৰেনেড তথা ৰাণীৰ পত্ৰ ইতিমধ্যে ইউক্ৰেইন পাইছে। পত্ৰখন লাভ কৰি প্ৰথমতে ইউক্ৰেইনৰ সেনাবাহিনীয়ে সেইখন স্পেইনৰ ৰাণীয়ে স্বাক্ষৰ কৰা পত্ৰ হ’ব পাৰে বুলি বুজিবই পৰা নাছিল।
