আমন্ত্ৰিত ৰাহুল গান্ধী! শীঘ্ৰেই কেমব্ৰিজ বিশ্ববিদ্যালয়ত বক্তৃতা দিবলৈ ভ্ৰমণ কৰিব ব্ৰিটেইন

কংগ্ৰেছৰ প্ৰাক্তন সভাপতি আৰু ৱায়ানাডৰ সাংসদ ৰাহুল গান্ধীয়ে এই মাহৰ শেষৰ ফালে ব্ৰিটেইন ভ্ৰমণ কৰাৰ সম্ভাৱনা আছে। ৰাহুলে কেমব্ৰিজ বিশ্ববিদ্যালয়ৰ বিজনেছ স্কুলতো বক্তৃতা প্ৰদান কৰিব। ৰাহুল গান্ধীয়ে টুইট কৰি এই বিষয়ে অৱগত কৰিছে।

ৰাহুলে কৈছে, “মই মোৰ মাতৃ-প্ৰতিষ্ঠান কেমব্ৰিজ বিশ্ববিদ্যালয়লৈ যাম। মই বিজনেছ স্কুলতো বক্তৃতা দিম। এই সময়ছোৱাত মই ভূ-ৰাজনীতি, আন্তঃৰাষ্ট্ৰীয় সম্পৰ্ক, ডাঙৰ তথ্য আৰু গণতন্ত্ৰকে ধৰি বহুতো ক্ষেত্ৰৰ প্ৰতিভাশালী শিক্ষাৰ্থী আৰু লোকসকলৰ সৈতে কথা পাতিম। মই সকলোৰে সৈতে বাৰ্তালাপ কৰিবলৈ বহুত উৎসাহিত।‘’

কেমব্ৰিজ বিজনেছ স্কুলেও ৰাহুলৰ ভ্ৰমণত আনন্দ প্ৰকাশ কৰিছে। স্কুলখনে কৈছে যে তেওঁলোকে ৰাহুল গান্ধীক পুনৰ আদৰণি জনাবলৈ পাই সুখী।

Looking forward to visiting my alma mater @cambridge_uni and delivering a lecture at @CambridgeJBS.

Happy to engage with some of the brightest minds in various domains, including geopolitics, international relations, big data and democracy. https://t.co/4pkrF79hG9

— Rahul Gandhi (@RahulGandhi) February 16, 2023

স্কুলখনে টুইট কৰি কয় যে ৰাহুল গান্ধীয়ে কেমব্ৰিজ বিজনেছ স্কুলত বক্তৃতা দিব। তেওঁ বৃহৎ তথ্য, গণতন্ত্ৰ আৰু ভাৰত-চীন সম্পৰ্কৰ বিষয়েও কথা পাতিব।

আনহাতে, ব্ৰিটেইনলৈ ৰাওনা হোৱাৰ পূৰ্বে ৰাহুল গান্ধীয়ে ২৪-২৬ ফেব্ৰুৱাৰীত ৰায়পুৰত কংগ্ৰেছৰ ৮৫ তম পূৰ্ণাংগ অধিৱেশনত অংশগ্ৰহণ কৰিব।