‘ভাৰতবৰ্ষত কংগ্ৰেছ দল বিধ্বস্ত হোৱাৰ একামাত্ৰ কাৰণ ৰাহুল গান্ধী। ৰাহুল গান্ধীক চাই কোনে ভোট দিব। ৰাহুল গান্ধী আৰু নৰেন্দ্ৰ মোদীৰ ব্যক্তিত্বৰ মাজত আকাশ-পাতাল পাৰ্থক্য আছে।’ এই মন্তব্য তেজপুৰ লোকসভা সমষ্টিৰ নৱনিৰ্বাচিত সাংসদ পল্লব লোচন দাসৰ।
আজি গৃহভূমি বিশ্বনাথত উপস্থিত হয় তেজপুৰ লোকসভা সমষ্টিৰ পৰা নিৰ্বাচিত হোৱা সাংসদ পল্লৱ লোচন দাস। উপস্থিত হোৱাৰ লগে লগে পুৱাই চতিয়া সমষ্টিৰ বিধায়ক পদ্ম হাজৰিকাই পল্লৱ লোচন দাসক বিপুন আদৰণি জনায়।
ইয়াৰ পিছতে পল্লৱ লোচন দাসে বিশ্বনাথ বিধান সভা সমষ্টিৰ বিধায়ক প্ৰমোদ বৰঠাকুৰৰ ঘৰত উপস্হিত হৈ ধন্যবাদ জনাই বিধায়ক গৰাকীৰ সহায় সহযোগীতাৰ বাবে।
সেই স্থানতে সাংবাদিকৰে হোৱা কথা বতৰাত নৱ নিৰ্বাচিত সাংসদ গৰাকীয়ে অসম প্ৰদেশ কংগ্ৰেছৰ সভাপতি ৰিপুন বৰাক তাচ্ছিল্য সূচকভাৱে কয় যে কংগ্ৰেছ দলে যাতে ৰিপুন বৰাক সদায়ে অসম প্ৰদেশ কংগ্ৰেছৰ সভাপতি হিচাপে ৰাখে। লগতে দুটাকৈ নিৰ্বাচনত মুখথেকেছা খোৱা কংগ্ৰেছ দলৰ সভাপতি ৰিপুন বৰা হৈ থাকিলে বিজেপিৰ বাবে ভাল বুলিও পল্লৱ লোচন দাসে মন্তব্য কৰে ৷
