সমগ্ৰ দেশতে বিজেপিৰ বিৰুদ্ধে প্ৰবল সোঁত বৈছে। এইবাৰ কেৱল বিৰোধীসকলহে একত্ৰিত হ’ব লাগিব। এই কথা সদৰী কৰি কংগ্ৰেছ নেতা ৰাহুল গান্ধীয়ে এক বিকল্প দৃষ্টিভংগীৰ বাবে আহ্বান জনাইছে।
শনিবাৰে এক সংবাদমেল সম্বোধন কৰি ৰাহুল গান্ধীয়ে কয়, “ভাৰত জোড়ো যাত্ৰাই মানুহক বেলেগ ধৰণে চিন্তা কৰাৰ বাবে এক আন্তঃগাঁথনি সৃষ্টি কৰিছে।‘’ একে সময়তে, তেওঁ স্পষ্ট কৰি দিয়ে যে কংগ্ৰেছ আৰু অন্যান্য বিৰোধী দলসমূহৰ মাজত পাৰস্পৰিক সন্মান থাকিব লাগে। বিজেপিক বাধা দিবলৈ এইটো প্ৰয়োজনীয়।
লগতে পঢ়ক: Happy New Year 2023 Messages: ‘নৱবৰ্ষৰ শুভেচ্ছা ২০২৩’-নতুন বছৰৰ আৰম্ভণিতে প্ৰিয়জনক দিয়ক শুভেচ্ছা
তেওঁ কয়, “যদি বিৰোধীয়ে কাৰ্যকৰীভাৱে এক নিৰ্দিষ্ট দৃষ্টিভংগীৰ সৈতে থিয় হয় তেন্তে বিজেপিৰ বাবে জয় লাভ কৰাটো অতি কঠিন হ’ব। অৱশ্যে, বিৰোধীৰ মাজত সমন্বয় স্থাপন কৰা আৰু বিকল্প দৃষ্টিভংগীৰে জনসাধাৰণৰ সন্মুখলৈ যোৱাৰ প্ৰয়োজন আছে।‘’
তেওঁৰ দৃষ্টিভংগীৰ কথা উল্লেখ কৰি ৰাহুল গান্ধীয়ে কয় যে ভাৰতক এখন উৎপাদনশীল দেশ হিচাপে গঢ়ি তুলিব লাগিব। এয়া ভাড়া বিচৰা দেশ নহয়। ভাৰতৰ এটা শিক্ষা নীতি থকা প্ৰয়োজন। চিকিৎসা, অভিযান্ত্ৰিক, অসামৰিক সেৱা, আইনী বৃত্তিৰ বাহিৰেও ভাৰতৰ ল’ৰা-ছোৱালীসকলক অন্য কিছু চিন্তা কৰাৰ সুযোগ দিয়া উচিত।
লগতে পঢ়ক: নতুন বছৰৰ বাৰ্তা! বছৰৰ অন্তিম দিনটোতো মিছাইল নিক্ষেপ কৰিছে উত্তৰ কোৰিয়াই
তেওঁ এক স্পষ্ট বৈদেশিক নীতিৰ বাবেও আহ্বান জনায়। তেওঁ এটা বিভ্ৰান্তিকৰ নীতিৰ বিৰুদ্ধে আৰু অধিক অৰ্থনৈতিক সমতাৰ পোষকতা কৰে।
