প্ৰচণ্ড তুষাৰপাতৰ মাজতে উপত্যকাটোত কংগ্ৰেছৰ ‘ভাৰত জোড়ো যাত্ৰা’ সমাপ্ত হৈছে। যোৱা চাৰি মাহত ৰাহুল গান্ধীয়ে দেশৰ দক্ষিণ প্ৰান্তৰ পৰা উত্তৰৰ কাশ্মীৰলৈ খোজ কাঢ়িছে। ৰাষ্ট্ৰীয় সুৰক্ষা সংস্থাসমূহে তেওঁৰ নিৰাপত্তাৰ ওপৰত কেইবাবাৰো প্ৰশ্ন উত্থাপন কৰিছে। আজি ৱায়ানাডৰ কংগ্ৰেছ সাংসদজনে তেওঁৰ সুৰক্ষা সম্পৰ্কে সতৰ্কবাণীৰ বিষয়টো উত্থাপন কৰিছিল।
ৰাহুল গান্ধীয়ে কয়, “ইয়াৰ লোকসকলে মোক হেণ্ড গ্ৰেনেড দিয়া নাই, দিছে প্ৰেম ভৰা হৃদয়।‘’ গেৰুৱা দলটোক সমালোচনা কৰি গান্ধীয়ে কয় যে জম্মু-কাশ্মীৰত বিজেপি নেতা-কৰ্মীসকলে তেওঁৰ দৰে খোজ কাঢ়িব নোৱাৰিব। কাৰণ সিহঁত ভয়ত কোঁচমোচ খাই থাকে।
উপত্যকাটো উগ্ৰপন্থীৰ লক্ষ্যত বাৰে বাৰে ক্ষতবিক্ষত হৈছে। বহু পৰিয়ালৰ প্ৰিয়জন সন্ত্ৰাসবাদৰ ভুক্তভোগী। এনে পৰিস্থিতিত ৰাহুল গান্ধীয়ে কাশ্মীৰৰ মাটিত থিয় হৈ তেওঁৰ পিতৃ ৰাজীৱ গান্ধীৰ হত্যাৰ কথা মনত পেলাই দিছে। তেওঁ কয় যে পুলৱামাত নিহত সেনা জোৱানসকলৰ পৰিয়ালৰ বেদনা তেওঁ গভীৰভাৱে বুজি পাইছে।
ৰাহুল গান্ধীয়ে পৰম্পৰাগত কাশ্মীৰী ফেৰান পিন্ধি ‘ভাৰত যোদো যাত্ৰা’ৰ সামৰণি অনুষ্ঠানত ভাষণ দিয়ে। বাতৰি অনুসৰি ডিএমকে, নেশ্যনেল কনফাৰেন্স, পিডিপি, চিপিআই, আৰএছপি আৰু আইইউএমএলৰ নেতাসকল অনুষ্ঠানটোত কংগ্ৰেছৰ মঞ্চত উপস্থিত আছিল। অনুষ্ঠানত ভাষণ প্ৰদান কৰি কংগ্ৰেছ সভাপতি মল্লিকাৰ্জুন খাৰ্গে কয়, “ভাৰত জোড়ো যাত্ৰা নিৰ্বাচন জিকিবলৈ নহয়, ঘৃণাৰ বিৰুদ্ধে আছিল।‘’
Sheen Mubarak!😊
A beautiful last morning at the #BharatJodoYatra campsite, in Srinagar.❤️ ❄️ pic.twitter.com/rRKe0iWZJ9
— Rahul Gandhi (@RahulGandhi) January 30, 2023
কংগ্ৰেছৰ ‘ভাৰত জোড়ো যাত্ৰা’ দেওবাৰে ৪,০০০ কিলোমিটাৰৰো অধিক অতিক্ৰম কৰাৰ পিছত সমাপ্ত হয়। একেদিনাই ৰাহুলে শ্ৰীনগৰৰ চেশ্মা চাহীত ৰাষ্ট্ৰীয় পতাকা উত্তোলন কৰে। যোৱা চাৰি মাহত কংগ্ৰেছ সাংসদ ৰাহুল গান্ধীয়ে ভাৰত জোড়ো যাত্ৰা কাৰ্যসূচীৰ অধীনত ১২ খন ৰাজ্যত খোজ কাঢ়িছে।
