অখিল গগৈৰ মাতৃ আৰু ভগ্নীক লৈ শিৱসাগৰ বিধানসভা সমষ্টিত ৰাইজৰ দলৰ নিৰ্বাচনী প্ৰচাৰ চলোৱা দেখিবলৈ পোৱা গৈছে।
শনিবাৰে শিৱসাগৰৰ ষ্টেশ্যন চাৰিআলিত অনুষ্ঠিত এখন নিৰ্বাচনী সভাত অখিল গগৈৰ মাতৃ আৰু ভগ্নীয়ে শিৱসাগৰবাসী ৰাইজক অখিল গগৈক ভোট দিবলৈ আহ্বান জনায়।
সভাত বীৰ লাচিত সেনাৰ নেতা শৃংখল চলিহাই উদাত্ত ভাষণ প্ৰদান কৰে।
শেহতীয়াকৈ কাৰবন্দী কৃষক নেতা অখিল গগৈয়ে অসমৰ ৰাইজলৈ এখন মুকলি চিঠি লিখি বিজেপিৰ বিৰুদ্ধে ভোট দিয়াৰ আহ্বান জনাইছে।
শিৱসাগৰত বিজেপি প্ৰাৰ্থী সুৰভি ৰাজকোঁৱৰ, কংগ্ৰেছৰ শুভমিত্ৰ গগৈ আৰু ৰাইজৰ দলৰ নেতা অখিল গগৈয়ে নিৰ্বাচনত প্ৰতিদ্বন্দ্বিতা কৰিছে।
এতিয়া বিজোপি বিৰোধী ভোটৰ বিভাজন ৰোধ কৰাটোৱেই হ’ব শিৱসাগৰত কা-বিৰোধী প্ৰাৰ্থীৰ বিজয়ৰ মূল লক্ষ্য।
এইক্ষেত্ৰত কংগ্ৰেছ প্ৰাৰ্থীগৰাকী আৰু অখিল গগৈৰ মাজত কা-বিৰোধী ভোটৰ বিভাজন ঘটিলে অনাকাঙ্খিত নিৰ্বাচনী ফলাফলৰো সম্ভাৱনা নুই কৰিব নোৱাৰি।