Rajamouli’s ‘RRR’ may bag an Oscar nomination বছৰটোৰ শেষত আহিছে বলীউদৰ বাবে এটা ভাল খৱৰ! বলীউডৰ এক আগশাৰীৰ সংবাদ মাধ্যমে দাবী কৰিছে যে পৰিচালক এছ এছ ৰাজামৌলীয়ে তেওঁৰ ছবি ‘আৰআৰআৰ’ৰ বাবে অস্কাৰৰ মনোনয়ন লাভ কৰিব পাৰে।
এই এখন ছবিৰ জৰিয়তেই বিশ্বৰ সৰ্বোচ্চ চলচ্চিত্ৰ সন্মান তেওঁৰ শিৰত জিলিকিবলৈ গৈ আছে। বাতৰিটো মতে, তেওঁ ভিজুৱেল ইফেক্ট শাখাত এই বিৰল সন্মান লাভ কৰিব পাৰে।
বলীউড আৰু দক্ষিণৰ মনোৰঞ্জন জগত একেলগ হ’লে কেনে চমক সৃষ্টি কৰিব পাৰে তাৰ এক উদাহৰণ হৈছে এই চলচ্চিত্ৰখন। ছবিখনত অভিনয় কৰিছে ৰাম চৰণ, জুনিয়ৰ এনটিআৰ, অজয় দেৱগন আৰু আলিয়া ভাটে ।
আৰআৰআৰে এই বছৰ বিশ্বব্যাপী বক্স অফিচত ২,০০০ কোটি টকা উপাৰ্জন কৰিছে। ৰাজামৌলীয়ে ইয়াৰ আগতে ‘বাহুবলী: দ্য বিগিনিং’ আৰু ‘বাহুবলী ২: দ্য কনক্লুজন’ৰ দৰে ব্লকবাষ্টাৰ চলচ্চিত্ৰ পৰিচালনা কৰিছে।
বাতৰি অনুসৰি, ভিজুৱেল ইফেক্ট শাখাত পাঁচগৰাকী গ্ৰাফিক্স ডিজাইনাৰক মনোনীত কৰা হৈছে। তেওঁলোকৰ এজন হৈছে আৰআৰআৰ-ৰ গ্ৰাফিক ডিজাইনাৰ শ্ৰীনিবাস মোহন। বাকী চলচ্চিত্ৰকেইখন হৈছে টপ গান ২, অৱতাৰ ২, ব্লেক পেন্থাৰ ২ আৰু বেটমেন।
আনহাতে, এই বাতৰিটোৰ সত্যতা এতিয়াও আনুষ্ঠানিকভাৱে নিশ্চিত হোৱা নাই। ‘আৰআৰআৰ’ৰ নিৰ্মাতাসকলে আগতে ঘোষণা কৰিছিল যে ছবিখনে অস্কাৰ ২০২৩ৰ বাবে প্ৰতিদ্বন্দিতা কৰিব আৰু ছবিখনে ইতিমধ্যে ১৪ টা শ্ৰেণীত মনোনয়ন দাখিল কৰিছে। অৱশ্যে, ই ভাৰত চৰকাৰৰ পৰা আনুষ্ঠানিক ‘এন্ট্ৰি’ নহয়।
