পাকিস্তানৰ আক্ৰমণত নিহত জম্মু-কাশ্মীৰৰ ৰাজৌৰীৰ অতিৰিক্ত উপ আয়ুক্ত

পাকিস্তানৰ আক্ৰমণত নিহত হৈছে এগৰাকী চৰকাৰী বিষয়া। সেই আক্ৰমণত নিহত হৈছে ৰাজৌৰীৰ অতিৰিক্ত উপ আয়ুক্ত। পাকিস্তানৰ ধাৰাবাহিক গুলীচালনাত ৰাজ কুমাৰ থাপা নামৰ বিষয়াগৰাকী নিহত হয়। এই আক্ৰমণত ৩ জন লোক আহত হয়। পিছত বিষয়াগৰাকী মৃত্যু হয়।

জম্মু-কাশ্মীৰৰ মুখ্যমন্ত্ৰী ওমৰ আব্দুল্লাই এই ঘটনাক লৈ গভীৰ শোক প্ৰকাশ কৰে। এই প্ৰাণ হেৰুৱাৰ ঘটনাত শোক প্ৰকাশ কৰিবলৈ তেওঁৰ কোনো ভাষা নাই বুলি কয় মুখ্যমন্ত্ৰীগৰাকীয়ে।

ছ’চিয়েল মিডিয়াত পোষ্ট কৰি তেওঁ কয় যে শুকুৰবাৰে ৰাজ্যখনৰ উপ-মুখ্যমন্ত্ৰীৰ সৈতে বিষয়াগৰাকী সাহায্য শিবিৰলৈ গৈছিল। বিষয়াগৰাকীয়ে অনলাইনযোগে তেওঁৰ সৈতে কথাও পাতিছিল।

তেওঁ ছ’চিয়েল মিডিয়াত লিখিছে, “ৰাজৌৰীৰ পৰা ভয়ংকৰ খবৰ। আজি পাকিস্তানে ৰাজৌৰী চহৰক লক্ষ্য কৰি গোলাবৰ্ষণ কৰিছে। তাতে বিষয়াজনৰ বাসগৃহৰ ক্ষতিসাধন হয়। আমাৰ অতিৰিক্ত জিলা উন্নয়ন আয়ুক্তৰাজ কুমাৰ থাপা এই আক্ৰমণত নিহত হয়। এই ভয়ংকৰ প্ৰাণহানিৰ ঘটনাৰ বাবে মোৰ দুখ আৰু দুখ প্ৰকাশ কৰিবলৈ মোৰ ভাষা নাই।”

আনহাতে, জম্মুত পুৱাৰ পৰাই আৰম্ভ হৈছে ‘তীব্ৰ গোলাবৰ্ষণ’। জম্মু, ৰাজৌৰী আৰু পুঞ্চ অঞ্চলতো বিস্ফোৰণৰ শব্দ শুনা যায়। আহত হৈছে কেইবাজনো লোক। লগতে ঘৰৰ ক্ষতিসাধন হয়। ইয়াৰ সমান্তৰালকৈ শ্ৰীনগৰতো বিস্ফোৰণৰ শব্দ শুনা গৈছে ।

সংবাদ সংস্থা এএনআইৰ মতে, শ্ৰীনগৰ আৰু কাষৰীয়া অঞ্চলত পাকিস্তানৰ সৈতে তীব্ৰ সংঘৰ্ষ অব্যাহত আছে। সেনা বাহিনীয়ে অঞ্চলটোত পৃষ্ঠৰ পৰা আকাশলৈ ক্ষেপণাস্ত্ৰ ব্যৱস্থা সক্ৰিয় কৰিছে।