বড়োলেণ্ড পিপলছ ফ্ৰণ্টৰ নেতা বিশ্বজিৎ দৈমাৰীয়ে ৰাজ্যসভাৰ নিৰ্বাচনৰ বাবে বুধবাৰে মনোনয়ন দাখিল কৰিছে।
অসম বিধান সভাত মনোনয়ন দাখিলৰ সময়ত মুখ্য মন্ত্ৰী সৰ্বানন্দ সোণোৱাল আৰু বিত্ত মন্ত্ৰী হিমন্ত বিশ্ব শৰ্মাই দৈমাৰীক সংগ দিয়ে।
মনোনয়ন দাখিলৰ সময়ত ৰাজ্যিক বিজেপি সভাপতি ৰঞ্জিত কুমাৰ দাস, বি টি চি মুৰব্বী হাগ্ৰামা মহিলাৰী আৰু অগপ সভাপতি, মন্ত্ৰী অতুল বৰাও উপস্থিত আছিল।
শাসনাধীন বিজেপি-অগপ-বি পি এফ মিত্ৰজোঁটৰ সংখ্যাগৰিষ্ঠতাৰ বাবে দৈমাৰীৰ বিজয় নিশ্চিত।
দৈমাৰীয়ে ইয়াৰ পূৰ্বেও ৰাজ্য সভাৰ সাংসদৰূপে কাৰ্য্যনিৰ্বাহ কৰি আহিছিল।
২৬ মাৰ্চত অনুষ্ঠিত হ’ব লগা ৰাজ্য সভাৰ নিৰ্বাচনৰ বাবে বুধবাৰলৈকে নগৰাকী প্ৰাৰ্থীয়ে মনোনয়ন পত্ৰ সংগ্ৰহ কৰিছে।
Accompanied NDA partner, BPF’s Shri Biswajit Daimary for filing nomination for the upcoming Rajya Sabha elections at Assam Legislative Assembly along with Shri @RanjeetkrDass, Shri @himantabiswa, Shri Atul Bora, Shri Hagrama Mohilary and colleagues. pic.twitter.com/YDYnuZfxra
— Sarbananda Sonowal (@sarbanandsonwal) March 11, 2020
সাংবাদিক অজিত কুমাৰ ভূঞাক বিৰোধী কংগ্ৰেছ আৰু এ আই ইউ ডি এফে উমৈহতীয়া প্ৰাৰ্থীৰূপে থিয় কৰিছে।
নিৰ্বাচনটোৰ বাবে মনোনয়ন দাখিলৰ অন্তিম দিন ১৩ মাৰ্চ।
২৬ মাৰ্চৰ পুৱা ৯ বজাৰ পৰা বিয়লি ৪ বজালৈকে ভোট গ্ৰহণ সম্পন্ন হ’ব।
১৬ মাৰ্চত মনোনয়ন পত্ৰসমূহ পৰীক্ষা কৰা হ’ব। মনোনয়ন প্ৰত্যাহাৰৰ অন্তিম দিন ১৮ মাৰ্চ।
