তীব্ৰ অৰ্থনৈতিকে সংকটক কেন্দ্ৰ কৰি অশান্তজৰ্জৰ হৈ পৰা শ্ৰীলংকাত গঠন হৈছে নতুন চৰকাৰ। দেশখনৰ জনসাধাৰণৰ ব্যাপক প্ৰতিবাদৰ ফলত মহিন্দ্ৰা ৰাজাপাক্ষে চৰকাৰৰ পতনৰ পিছতে প্ৰাক্তন প্ৰধানমন্ত্ৰী ৰনিল বিক্ৰমসিংহেক শ্ৰীলংকাৰ নতুন প্ৰধানমন্ত্ৰী হিচাপে নিযুক্তি দিয়া হৈছে।
প্ৰকাশিত খবৰ অনুসৰি বুধবাৰে ৰাষ্ট্ৰপতি গোটাবায়া ৰাজপাক্ষেৰ সৈতে এক ৰুদ্ধদ্বাৰ বৈঠকৰ পিছতে এই সিদ্ধান্ত গ্ৰহণ কৰা হৈছিল। ৰাষ্ট্ৰপতিৰ সংবাদ মাধ্যমৰ কাৰ্যালয়ৰ তথ্য অনুসৰি ৭৩ বছৰীয়া নেতাজনে ইতিমধ্যে শপত গ্ৰহণ কৰিছে।
বিক্ৰমসিংহেই ইতিপূৰ্বে দ্বীপৰাষ্ট্ৰখনৰ প্ৰধানমন্ত্ৰী হিচাপে চাৰিবাৰ কাৰ্যনিৰ্বাহ কৰিছে। ২০১৮ চনৰ অক্টোবৰত সেই সময়ৰ ৰাষ্ট্ৰপতি মৈত্ৰীপালা চিৰিসেনাই তেওঁক প্ৰধানমন্ত্ৰীৰ পদৰ পৰা বৰ্খাস্ত কৰিছিল। অৱশ্যে, দুমাহৰ পিছত চিৰিসেনাই তেওঁক পুনৰ ক্ষমতালৈ ঘূৰাই আনিছিল।
বাতৰি অনুসৰি, শাসনাধিষ্ঠিত শ্ৰীলংকা পোডুজানা পেৰামুনাৰ, মুখ্য বিৰোধী দল চামাগি জনা বালাৱেগয়াৰ এটা অংশ আৰু আন কেইবাটাও দলে সংসদত বিক্ৰমসিংহেৰ পক্ষত সমৰ্থন আগবঢ়াইছে।
উল্লেখ্য যে শেহতীয়াকৈ বিৰোধী দলৰ নেতা সাজিত প্ৰেমদাসাই দেশৰ প্ৰধানমন্ত্ৰীৰ কাৰ্যভাৰ গ্ৰহণ কৰিবলৈ ইচ্ছা প্ৰকাশ কৰি ৰাষ্ট্ৰপতি গোটাবায়া ৰাজপাক্ষেলৈ এখন মুকলি পত্ৰ প্ৰেৰণ কৰিছিল।
কিন্তু ৰনিল বিক্ৰমসিংহেৰ নিযুক্তিৰ পিছত এই সকলো জল্পনা-কল্পনাৰ অন্ত পৰে।