দেশত এতিয়া বৃদ্ধি পাইছে মহিলাৰ বিৰুদ্ধে অপৰাধৰ ঘটনা।
এতিয়া নিশ্চিদ্ৰ সুৰক্ষা ব্যৱস্থাৰে পৰিৱেষ্টিত পঞ্চতাৰকাযুক্ত হোটেলো নহয় মহিলাৰ বাবে সুৰক্ষিত স্থান।
শেহতীয়াকৈ মুম্বাইৰ এখন পঞ্চ তাৰকাযুক্ত হোটেলত গেৰাকী অভিনেত্ৰীক বলাৎকাৰ কৰিবলৈ অপচেষ্টা চলোৱাৰ ঘটনাই চাঞ্চল্যৰ সৃষ্টি কৰিছে।
দক্ষিণ মুম্বাইৰ পঞ্চতাৰকাযুক্ত হোটেল খনৰ শৌচাগাৰৰ ভিতৰতে যোৱা নিশা ৱেব ছিৰিজৰ এগৰাকী অভিনেত্ৰীক বলাৎকাৰৰ চেষ্টা চলায় হোটেল খনৰে এজন কৰ্মচাৰীয়ে।
অভিনেত্ৰীগৰাকীকবলাৎকাৰৰ চেষ্টা চলোৱা হোটেল খনৰ কৰ্মচাৰী জনৰ নাম দিলেশ্বক মহন্ত।
২২ বছৰীয়া দিলেশ্বৰে অসৎ উদ্দেশ্যলৈ পূৰ্বৰে পৰা শৌচাগাৰৰ ভিতৰত লুকাই আছিল আৰু অভিনেত্ৰীগৰাকীয়ে শৌচাগাৰত প্ৰৱেশ কৰাৰ লগে লগে তেওঁ অভিনেত্ৰীগৰাকীক পিছপিনৰ পৰা সাৱটি ধৰিছিল।
এই ঘটনাত চক খাই উঠা অভিনেত্ৰীগৰাকীয়ে চিঞৰ বাখৰ কৰাত হোটেলৰ আন কৰ্মচাৰী সেই স্থানত উপস্থিত হৈ অভিনেত্ৰীগৰাকীক ৰক্ষা কৰে।
হোটেলৰ কৰ্মচাৰীয়ে দিলেশ্বৰ মহন্ত নামৰ কৰ্মচাৰীজনক আটক কৰি ৰাখে।
নিশাই অভিনেত্ৰীগৰাকীয়ে এন এম যোশী মাৰ্গ থানাত গোচৰ ৰুজু কৰে যদিও বাতৰি যুগুত কৰা পৰলৈকে আৰক্ষীয়ে অভিযুক্ত লোক জনক গ্ৰেপ্তাৰতো বাদেই আটকো কৰা নাই।
উল্লেখ্য কিছুদিন পূৰ্বে মুম্বাইৰ এখন আদালতে এইবুলি ৰায় দিছিল যে কাপোৰৰ ওপৰত চলোৱা যৌন নিৰ্যাতন অপৰাধ নহয়।
আৰক্ষীয়ে এই ৰায়ৰ বাবেই নে আন কোনো কাৰণত অভিযুক্ত দিলেশ্বৰ মহন্তক আটক কৰা নাই সেয়া জানিব পৰা হোৱা নাই। ঘটনাটোৱে মায়ানগৰীত যে মহিলা মুঠেও সুৰক্ষিত নহয় সেই কথা পুনৰ বাৰ উদঙাই দিছে।