জিন্দাল গোষ্ঠীৰ মুৰব্বী সজ্জন জিন্দালৰ বিৰুদ্ধে ধৰ্ষণৰ অভিযোগ উত্থাপন হৈছে। বিভিন্ন সংবাদ মাধ্যমৰ বাতৰি অনুসৰি বুধবাৰে এগৰাকী মহিলাই মুম্বাইৰ বি কে চি থানাত এজাহাৰ দাখিল কৰিছে। মহিলাগৰাকী পেছাত এগৰাকী অভিনেত্ৰী।
অভিনেত্ৰীগৰাকীৰ মতে, ২০২২ চনৰ জানুৱাৰী মাহত এই ঘটনা সংঘটিত হৈছিল। বান্দ্ৰা-কুৰ্লা কমপ্লেক্সত থকা সংস্থাটোৰ মুখ্য কাৰ্যালয়ৰ পেণ্টহাউচত জিন্দালে তেওঁক ধৰ্ষণ কৰে।
অভিযোগকাৰীয়ে দাবী কৰে যে চলিত বৰ্ষৰ আৰম্ভণিতে তেওঁ থানাত এজাহাৰ দাখিল কৰিবলৈ গৈছিল। কিন্তু তেওঁৰ কথাত গুৰুত্ব নিদিলে আৰক্ষীয়ে। পিছত তেওঁ আদালতৰ কাষ চাপে। এইবাৰ আদালতৰ নিৰ্দেশত তেওঁৰ অভিযোগ ল’লে আৰক্ষীয়ে।
লগতে পঢ়কঃ লজ্জাজনক: কেৰালাত ৫২ বছৰীয়া মহিলাক ধৰ্ষণৰ অভিযোগত গ্ৰেপ্তাৰ অসমৰ যুৱক
আৰক্ষীৰ সূত্ৰ অনুসৰি অভিনেত্ৰীগৰাকীৰ বক্তব্যৰ ভিত্তিত অভিযুক্তৰ বিৰুদ্ধে ভাৰতীয় দণ্ডবিধিৰ ৩৭৬, ৩৫৪ আৰু ৫০৬ ধাৰাত গোচৰ ৰুজু কৰা হৈছে। অভিযোগৰ ভিত্তিত তদন্ত আৰম্ভ কৰা হৈছে বুলি বিকেচি আৰক্ষীৰ সূত্ৰই প্ৰকাশ কৰিছে।
বাতৰি অনুসৰি, অভিনেত্ৰীগৰাকীয়ে কয় যে ২০২১ চনত ডুবাইত আই পি এলৰ এখন খেল চাই থাকোঁতে সজ্জনৰ সৈতে পৰিচয় হৈছিল। ভিআইপি বক্সত তেওঁলোক লগ হৈছিল। পিছত জয়পুৰত সাংসদ প্ৰফুল্ল পেটেলৰ পুত্ৰৰ বিয়াতো লগালগি হৈছিল। অভিযোগত অভিনেত্ৰীগৰাকীয়ে কয় যে তেওঁলোকৰ মাজত ফোন নম্বৰৰ আদান-প্ৰদান হৈছিল। মুম্বাইতো দেখা হৈছিল।
অভিনেত্ৰীগৰাকীয়ে দাবী কৰা মতে, সজ্জনে তেওঁৰ ভাতৃৰ এটা সম্পত্তি ক্ৰয় কৰিবলৈ আগ্ৰহ প্ৰকাশ কৰিছিল। অভিযোগকাৰীয়ে দাবী কৰা মতে, তেতিয়াৰ পৰাই সজ্জনে তেওঁক ‘বেবী’ বুলি মাতিছিল। অন্তৰংগ সাক্ষাতত প্ৰায়ে ব্যক্তিগত জীৱনৰ কথা কৈছিল। মাজে মাজে তেওঁক “সাৱটি ধৰিছিল”। অভিনেত্ৰীগৰাকীয়ে কেইবাবাৰো তাৰবাবে বিড়ম্বনাৰ মাজত পৰিবলগীয়া হৈছিল।
লগতে পঢ়কঃ পুৰুষৰ এই চাৰিটা গুণে বলিয়া কৰে নাৰীক, কৈছে চাণক্যই
অভিযোগত অভিনেত্ৰীগৰাকীয়ে দাবী কৰিছে যে ২০২২ চনৰ জানুৱাৰী মাহত তেওঁ এখন বৈঠকত অংশগ্ৰহণ কৰিবলৈ জিন্দাল গোটৰ কাৰ্যালয়লৈ গৈছিল। সেই সময়ত সজ্জনে তেওঁক অফিচৰ পেণ্টহাউচলৈ লৈ গ’ল। অভিনেত্ৰীগৰাকীয়ে দাবী কৰে যে তাতেই তেওঁক ধৰ্ষণ কৰা হৈছিল।
তেওঁ লগতে দাবী কৰে যে সেই ঘটনাৰ পিছতো তেওঁ উদ্যোগপতিজনৰ সৈতে যোগাযোগ ৰাখিছিল। কিন্তু হঠাৎ সজ্জনে যোগাযোগ বন্ধ কৰি দিয়ে। নম্বৰটোও ব্লক কৰি দিয়ে।
লগতে পঢ়কঃকি যে হ’ব! মাহত দুবাৰকৈ শহুৰেকৰ ঘৰলৈ গৈছিল চাকৰি কৰা পত্নীয়ে; স্বামীয়ে ৰুজু কৰিলে গোচৰ
অভিযোগত অভিনেত্ৰীগৰাকীয়ে লিখিছে, “সজ্জন জিন্দালে নম্বৰটো ব্লক কৰি দিয়াৰ সময়ত মোক ভাবুকিও দিছে। মোক ভাবুকি দিয়া হৈছে যে যদি মই এই ঘটনাৰ বিষয়ে আৰক্ষীক খবৰ দিওঁ তেন্তে তাৰ পৰিণাম মই ভোগ কৰিব লাগিব।”
