সোণৰ হৰিণ নহয়, একেবাৰে শুভ্ৰ বগা ৰঙৰ হৰিণাৰ পোৱালী। নিশ্চিন্তে অৰণ্যত ঘূৰি ফুৰিছে। কাষত মাতৃৰ নিৰাপত্তাৰ ছাঁ। পুলকিত গুপ্তা নামৰ এজন ফটোগ্ৰাফাৰে মুহূৰ্তটো বন্দী কৰিছিল কেমেৰাত। সেই ছবিখনক লৈ দেশজুৰি সৃষ্টি হৈছে উৎসুকতাৰ।
শেহতীয়াকৈ ভাৰতত দেখা গৈছে এই বিৰল বগা হৰিণাটো। উত্তৰ প্ৰদেশৰ কাটাৰনিয়াঘাট অভয়াৰণ্যত এলবিনো প্ৰজাতিৰ এটা হৰিণ পোৱালীৰ দেখা পোৱা গৈছে। ছবিখন ভাৰতীয় বন বিভাগৰ এজন বিষয়া আকাশদীপ বধৱানে টুইট কৰিছে।
লগতে পঢ়ক: অস্কাৰত ভাৰতৰ জয়জয়কাৰ! মৌলিক গানৰ বাবে ‘নাটু নাটু’; তথ্যচিত্ৰ ‘দ্য এলিফেণ্ট হুইছপাৰাৰ্ছ’লৈ অস্কাৰ
বিষয়াগৰাকীয়ে শিৰোনামটোত লিখিছে, “কাটাৰনিয়াঘাটে নিজৰ পৰিচয় অটুট ৰাখিছে, য’ত বিৰল ঘটনাটো সৰল আৰু সহজ। অৰণ্যৰ মাজত দেখা গৈছিল এটা আলবিনো হৰিণাৰ পোৱালী। পোৱালীটোৰ কাষত আছিল আৰু এটি প্ৰাপ্তবয়স্ক হৰিণা।‘’
Staying true to its tagline, “Katarniaghat- Where rare is common”, an albino spotted deer fawn was sighted this morning.
PC – Pulkit Gupta, Gharial Conservation Team pic.twitter.com/KPYCQzTp1P
— Akash Deep Badhawan, IFS (@aakashbadhawan) March 9, 2023
নেটিজেনসকলেও ছবিখন চাই উৎসাহিত হৈ পৰিছে। তাৰমাজতে অৱশ্যে বহুতে ইয়াৰ সুৰক্ষাৰ বিষয়ে উদ্বেগো প্ৰকাশ কৰিছে।
লগতে পঢ়ক: গুৱাহাটীৰ বাহিনী নৈত উদ্ধাৰ নৱজাতকৰ মৃতদেহ
বগা হৰিণাটো লুইচিজম অৰ্থাৎ এলবিনো প্ৰজাতিৰ। এই প্ৰজাতিৰ প্ৰাণীবোৰত মেলানিনৰ অভাৱৰ বাবে, শৰীৰটো ৰঙহীন হৈ পৰে। কেতিয়াবা গোটেই শৰীৰ, কেতিয়াবা কেৱল নেজ, হাত, ঠেং বা মুখখন বগা ৰঙৰ হৈ পৰে। তেওঁলোকৰ চকুৰ ৰং স্বাভাৱিক যদিও দৃষ্টিশক্তি ক্ষীণ হয়।