ৰাজ্যৰ ভিন্ন প্ৰান্তৰ লগতে কামৰূপ জিলাৰ ৰঙিয়াৰ তৰণীতো শ্ৰীশ্ৰী ৰাধাকৃষ্ণৰ ৮৭ সংখ্যক ৰাস মহোৎসৱ উদযাপনৰ আয়োজন কৰা হৈছে।
এইবাৰ ৭ দিনীয় বৰ্ণাঢ্য কাৰ্যসূচীৰে উদযাপন কৰা হৈছে এই ৰাস মহোৎসৱ।
কোভিড বিধি মানি উদযাপন কৰা হৈছে তৰণীৰ ৰাস মহোৎসৱ।
নামনি অসমৰ নলবাৰীত এইবাৰ অনাড়ম্বৰভাবে এদিনীয়াকৈ ৰাস উদযাপন কৰাৰ বাবে ৰঙিয়াৰ তৰণীৰ ৰাস মহোৎসৱত যথেষ্ট ৰাইজে ভিৰ কৰা দেখা গৈছে।
ৰাস মহোৎসৱথলীত ভগৱান শ্ৰীকৃষ্ণৰ বিভিন্ন অৱতাৰৰ লগতে, সুন্দৰ আলোক সজ্জাৰে বিভিন্ন দেৱ-দেৱীৰ মূৰ্তি স্থাপন কৰা হৈছে।
Also Read: Kamala Harris আমেৰিকাৰ ৰাষ্ট্ৰপতি হ’ল কমলা হেৰিছ! কিয় লাভ কৰিলে এই সাংবিধানিক ক্ষমতা?
দৃষ্টিনন্দন আলোক সজ্জাৰে সজ্জিত কৰি তোলা হৈছে মন্দিৰ আৰু ৰাস মহোৎসৱস্থলীৰ চৌপাশ।
স্থানীয় লোকৰ উপৰিও নামনি অসমৰ ভিন্ন প্ৰান্তৰ পৰা ৰাইজ ঢাপলি মেলিছে ৰঙিয়াৰ তৰণীৰ ৰাস মহোৎসৱলৈ।
ৰাস মহোৎসৱ উপলক্ষে এইবাৰ আমন্ত্ৰণ কৰা হৈছে ভাগ্যদেৱী থিয়েটাৰ। অনুষ্ঠিত কৰা হৈছে বাণিজ্য মেলাও।
তাৰমাজতে ৰাইজক কোভিড বিধি মানি ৰাস উপভোগ কৰিবলৈ আহ্বান জনাইছে ৰাস উদযাপন সমিতিৰ সম্পাদক লিটন কলিতাই।
