ৰাজ্যখনৰ জনসাধাৰণে নাগৰিকত্ব সংশোধনী আইনৰ বিৰুদ্ধে প্ৰতিবাদ অব্যাহত ৰখাৰ মাজতে বিজেপি নেতা তথা চতিয়া সমষ্টিৰ বিধায়ক পদ্ম হাজৰিকাই কয় যে সমষ্টিৰ ৰাইজে বিচাৰিলে তেওঁ পদত্যাগ কৰিবলৈ সাজু।
আছু আৰু অগপৰ এগৰাকী প্ৰাক্তন নেতা পদ্ম হাজৰিকাই ২০১৫চনৰ অক্টোবৰত বিজেপিত যোগদান কৰে।
বিগত ২০১৬’ৰ বিধানসভাৰ নিৰ্বাচনত হাজৰিকাই বিজেপি প্ৰাৰ্থী হিচাপে চতিয়া সমষ্টিৰ পৰা বিধায়ক নিৰ্বাচিত হয়।
হাজৰিকাই প্ৰথম ১৯৯৬চনত আৰু তাৰপাছত ২০০৬ আৰু ২০১১চনত চতিয়াৰ পৰা অগপ প্ৰাৰ্থী হিচাপে নিৰ্বাচিত হৈছিল।
বিজেপিত যোগদান কৰাৰ সময়ত তেওঁ কৈছিল যে সমষ্টিবাসী তেওঁৰ সমৰ্থকৰ ইচ্ছা অনুসৰিয়েই তেওং বিজেপিত যোগদান কৰিছে।
If people of my constituency unitedly say that I should resign,I will immediately resign.On Dec 6,I have myself got 500 houses of suspected illegal Bangladeshis evicted on my own initiative and chased them away. Is that an anti-community work I have done? @narendramodi @AmitShah
— Padma Hazarika (@padma_hazarika) December 21, 2019
বাতৰি অনুসৰি, কা বিৰোধী প্ৰতিবাদকাৰীসকলে তেওঁৰ চতিয়াৰ বাসগৃহৰ সন্মুখতো প্ৰতিবাদ সাৱ্যস্ত কৰিছিল।
হাজৰিকাই টুইত কৰি কৈছে: ‘’যদি মোৰ সমষ্টিৰ ৰাইজে একমুখে কয় যে মই পদত্যাগ কৰা উচিত, মই ততালিকে পদত্যাগ কৰিম।‘’
১৯৭৯চনৰ পৰা ১৯৮৫চনলৈকে বাংলাদেশৰ পৰা অহা অবৈধ বিদেশী চিনাক্তকৰণ আৰু বিতাড়নৰ বাবে হোৱা ছয় বছৰীয়া অসম আন্দোলনৰ নেতা বৰ্তমানৰ বিজেপি বিধায়কগৰাকীয়ে নাগৰিকত্ব সংশোধনী আইনৰ সমৰ্থন কৰা বাবে সমালোচিত হৈছে।
অৱশ্যে নিজৰ পক্ষত মন্তব্য দাঙি ধৰি হাজৰিকাই টুইট কৰিছে: ‘’ ৬ ডিচেম্বৰত, মই নিজেই ৫০০ ঘৰ সন্দেহযুক্ত অবৈধ বাংলাদেশীক মোৰ নিজৰ তত্বাৱধানত উচ্ছেদ কৰি খেদি পঠাইছিলো। সেয়া মই জাতি-বিৰোধী কাম কৰিলো নেকি?’’
আন এটা টুইটত হাজৰিকাই কয় যে তেওঁলোকে নাগৰিকত্ব সংশোধনী আইন সন্দৰ্ভত উচ্চতম ন্যায়ালয়ে দিয়া ৰায় গ্ৰহণ কৰিব।
উচ্চতম ন্যায়ালয়ে নাগৰিকত্ব সংশোধনী আইনৰ বিৰুদ্ধে দাখিল কৰা আবেদনসমূহৰ শুনানি অহা জানুৱাৰিৰ মাজভাগত গ্ৰহণ কৰিব।
‘’ নাগৰিকত্ব সংশোধনী আইনৰ সন্দৰ্ভত আদালতে যিয়েই কয় সেয়া আমি গ্ৰহণ কৰিম,’’-হাজৰিকাই কয়।