অসমৰ বিশিষ্ট কবি, সাহিত্যিক, অনুবাদক আনিছ উজ জামানৰ দেহাৱসান ঘটিছে। দেওবাৰে পুৱতি নিশা মহানগৰীৰ নেমকেয়াৰ হাস্পতালত তেওঁ শেষ নিশ্বাস ত্যাগ কৰে। মৃত্যুৰ সময়ত তেওঁৰ বয়স আছিল ৭৯ বছৰ।
১৯৪৭ চনত শিৱসাগৰৰ বৰুৱা বামুণবাৰী গাঁৱত জন্ম গ্ৰহণ কৰা আনিছ উজ জামানে ১০খনতকৈ অধিক গ্ৰন্থ ৰচনা কৰি থৈ গৈছে।
১৯৮৯ চনত ‘অজ্ঞাতে’ শীৰ্ষক কবিতা পুথিৰে কাব্য জগতত পৰিচয় গঢ়ি তোলে জামানে। তেওঁৰ উল্লেখযোগ্য কাব্যগ্ৰন্থৰ ভিতৰত ‘সেউজীয়া জোন’, ‘গধূলি’, ‘দোকমোকাল’ আদি অন্যতম।
বিশিষ্ট কবি আনিছ উজ জামানে সাহিত্য পুৰস্কাৰ, ‘গংগাধৰ মেহেৰ ৰাষ্ট্ৰীয় কাব্য বঁটা ২০২২’, অমূল্য চক্ৰৱৰ্তী সোঁৱৰণি অনুবাদ সাহিত্য বঁটা, গণেশ গগৈ বঁটা আদিৰ বঁটাৰে সন্মানিত হৈছিল।
বিশিষ্ট কবিগৰাকীক অসম কবি সন্মিলনে ‘কাব্যৰত্ন’ সন্মানেৰে বিভূষিত কৰিছে। অসম সাহিত্য সভাই নীলমনি ফুকনৰ পিছত তেওঁক ২০২৫ চনত ‘জাতীয় কবি’ সন্মানেৰে বিভূষিত কৰে।
কবিগৰাকীৰ প্ৰয়াণত ৰাজ্যখনৰ সাহিত্য জগতৰ লগতে বিভিন্ন ক্ষেত্ৰৰ লোকে শোক প্ৰকাশ কৰিছে। আনিছ উজ জামানৰ মৃত্যু অসমৰ কাব্য সাহিত্য জগতৰ বাবে এক অপূৰণীয় ক্ষতি।
