ভুৱা TRP গোচৰত গ্ৰেপ্তাৰ ৰিপাব্লিক টিভিৰ শীৰ্ষ বিষয়া ঘনশ্যাম সিং
ভুৱা টিআৰপি গোচৰ পুনৰ চৰ্চালৈ আহিছে ৰিপাব্লিক মিডিয়া নেটৱৰ্ক। মঙলবাৰে মুম্বাইৰ ক্ৰাইম ব্ৰাঞ্চৰ বিশেষ তদন্তকাৰী দলে এই গোচৰত গ্ৰেপ্তাৰ কৰিছে ৰিপাব্লিক মিডিয়াৰ সহকাৰী ভাইচ প্ৰেছিডেন্ট তথা ডিষ্ট্ৰিবিউশ্যনৰ মুখ্য বিষয়া ঘনশ্যাম দিলীপ কুমাৰ সিঙক।
ৰিপাব্লিক মিডিয়াৰ এই শীৰ্ষ বিষয়াগৰাকীক মঙলবাৰে পুৱাই ক্ৰাইম ব্ৰাঞ্চৰ বিষয়াই থানেৰ বাসভৱনৰ পৰা গ্ৰেপ্তাৰ কৰে। সিঙক আজিয়েই আদালতত হাজিৰ কৰোৱা হ’ব।
ইয়াৰ পূৰ্বে ক্ৰাইম ব্ৰাঞ্চৰ বিশেষ তদন্তকাৰী দলে কেইবাবাৰো ঘনশ্যাম সিঙক জেৰা চলাইছিল।
এই গোচৰত মুম্বাই আৰক্ষীয়ে এতিয়ালৈকে ১২জন লোকক গ্ৰেপ্তাৰ কৰিছে।
ইপিনে, ৰিপাব্লিক টিভিয়ে আজি পুৱাই টুইটাৰৰ যোগে কয়,’’ৰিপাব্লিক মিডিয়া নেটৱৰ্কৰ ওপৰত আক্ৰমণ অব্যাহত আছে। আজু ৰিপাব্লিক টিভিৰ সহকাৰী ভাইচ প্ৰেছিডেন্ট তথা ডিষ্ট্ৰিবিউশ্যনৰ মুখ্য বিষয়া ঘনশ্যাম সিঙক ভুৱা টিআৰপি গোচৰত মুম্বাই আৰক্ষীয়ে গ্ৰেপ্তাৰ কৰে।‘’
In a brazen misuse of power, Republic Media Network’s Assistant Vice President Mr. Ghanshyam Singh was arrested at 7:40am by the Mumbai Police. Ghanshyam’s arrest, like Arnab’s illegal arrest, is born out of prescripted vendetta instead of evidence and facts. #IndiaWithArnab pic.twitter.com/RkX8iFswV7
— Republic (@republic) November 10, 2020
আনহাতে, ক্ৰাইম ব্ৰাঞ্চৰ বিষয়া শচীন বাজে এই গ্ৰেপ্তাৰৰ কথা নিশ্চিত কৰি কয়,’’ আজিয়েই সিঙক আদালতত হাজিৰ কৰোৱা হ’ব। আমি তেওঁক আৰক্ষীৰ জিম্মাত দিয়াৰ বাবে আৰ্জি জনাম।‘’
যোৱা ৮ অক্টোবৰত মুম্বাই আৰক্ষীৰ শীৰ্ষ বিষয়া পৰমবীৰ সিঙে জনাইছিল যে মুম্বাইৰ দুটা স্থানীয় চেনেল আৰু ৰিপাব্লিক টিভি ভুৱা টিআৰপি ৰেটিং চক্ৰত জড়িত। পাছত দাখিল কৰা এফ আই আৰৰ কপিত ৰিপাব্লিকৰ নাম অহা নাছিল।