লিডু শাখা সাহিত্য সভাৰ প্ৰাক্তন সভাপতি অসমীয়া প্ৰতিদিন কাকতৰ লিডুৰ প্ৰথমজন সাংবাদিক তথা অৱসৰপ্ৰাপ্ত শিক্ষক লক্ষ্মীনাথ গগৈ(৮৬) ৰ আজি নিশা প্ৰায় ১.৪৫ বজাত মাৰ্ঘেৰিটাৰ এখন ব্যক্তিগত নাৰ্চিংহোমত চিকিৎসাধীন অৱস্থাত দেহাৱসান ঘটে ৷
কেইবা বছৰৰ পৰা বাধ্যৰ্কজনিত ৰোগত আক্ৰান্ত হৈ আছিল গগৈ। লিডুৰ বিশিষ্ট সমাজসেৱক গৰাকীৰ মৃত্যূত অঞ্চলজুৰি শোঁকৰ ছাঁ পৰিছ।
উল্লেখযোগ্য যে শামুকজান গাওঁ পঞ্চায়তৰ কাউন্সিলাৰ হিচাপে ৫ বছৰ কাল কাৰ্যনিৰ্বাহ কৰিছিল গগৈয়ে। লিডু শাখা সাহিত্য সভাৰ হৈ সভাপতি চন্দ্ৰ গৌতম, ৰাণাজ্যোতি নেওগ, তপন দে, দিপক চেতিয়া, কৃষ্ণ প্ৰসাদ শৰ্মা, শৰৎ নাথ, শ্যামল কুমাৰ নেওগ আদি বিষয়ববীয়া উপস্থিত থাকি তেওঁৰ বাসভৱনত নশ্বৰ দেহত পুষ্পাঞ্জলি অৰ্পণ কৰে।
একেদৰে শংকৰদেৱ বিদ্যা পীঠ উচ্চ মাধ্যমিক বিদ্যালয়ৰ হৈ প্ৰধান শিক্ষয়িত্ৰী চুফাতি পমুং মিলি আৰু ছাত্ৰ-ছাত্ৰী সকলে বিদ্যালয়ৰ প্ৰাংগণত গগৈক অন্তিম শ্ৰদ্ধা জনায়।
লিডুৰ সমাজজীৱনৰ অন্যতম পুৰোধা ব্যক্তি গগৈৰ মৃত্যুত লিডু শাখা সাহিত্য সভাৰ নৱনিৰ্বাচিত সভানেত্ৰী ড° দিপালী বৰপূজাৰীয়ে গভীৰ শোক প্ৰকাশ কৰি তেওঁৰ মৃত্যু লিডুৰ সমাজজীৱনৰ অপূৰণীয় ক্ষতি বুলি মতপ্ৰকাশ কৰে।
গগৈৰ মৃত্যুত তিনিচুকীয়া জিলা সাংবাদিক সন্থা, মাৰ্ঘেৰিটা আঞ্চলিক পনঞ্চায়তৰ সভাপতি সুখদেৱ শৰ্মা, মাঘেৰিটা সাংবাদিক সংস্থা, শামুকজান গাওঁ পনঞ্চায়তৰ সভাপতি অনীলা ফুকন আদিকে ধৰি বিভিন্ন দল-সংগঠন তথা ব্যক্তিয়ে শোক প্ৰকাশ কৰে।
অৱসৰপ্ৰাপ্ত শিক্ষক লক্ষ্মীনাথ গগৈয়ে মৃত্যুৰ সময়ত পত্নী, দুই পুত্ৰ, বোৱাৰী, নাতিসহ বহু আত্মীয় স্বজনক ইহসংসাৰত এৰি থৈ গৈছে।