ৰিয়ান পৰাগ হ’ব ৰাজস্থান ৰয়েলছৰ পৰৱৰ্তী অধিনায়ক! দেশী-বিদেশী বহু ক্ৰিকেট তাৰকাক দিব নেতৃত্ব

২৩ মাৰ্চত ছানৰাইজাৰ্ছ হায়দৰাবাদৰ বিৰুদ্ধে অনুষ্ঠিত হ’বলগীয়া উদ্বোধনী খেলখনত অধিনায়কৰ দায়িত্ব ল’ব ৰিয়ান পৰাগে। তাৰ পাছত ২৬ মাৰ্চত ডিফেণ্ডিং চেম্পিয়ন কলকাতা নাইট ৰাইডাৰ্ছৰ বিৰুদ্ধে মুখামুখি হোৱাৰ বিপৰীতে ৩০ মাৰ্চত পাঁচবাৰৰ চেম্পিয়ন চেন্নাই ছুপাৰ কিংছৰ বিৰুদ্ধে খেলিব।

ৰয়েলছৰ অবিচ্ছেদ্য অংগ সঞ্জু চেমছনে উইকেট ৰক্ষক আৰু ফিল্ডিঙৰ বাবে উপযুক্ত নোহোৱালৈকে বেটাৰ হিচাপে থাকিব। সম্পূৰ্ণ ফিট হ’লে তেওঁ অধিনায়ক হিচাপে ঘূৰি আহিব।

ৰাজস্থান ৰয়েলছ-এ ৰিয়ানক অধিনায়কত্ব দিয়াৰ সিদ্ধান্তই তেওঁৰ নেতৃত্বৰ ওপৰত দলটোৰ আস্থাক জোৰদাৰ কৰি তুলিছে, যিটো দক্ষতা তেওঁ অসমৰ ঘৰুৱা অধিনায়ক হিচাপে নিজৰ কাৰ্যকালৰ জৰিয়তে প্ৰদৰ্শন কৰিছে।