কামৰূপ গ্ৰাম্য জিলাৰ তুলসীবাৰীত বৃহস্পতিবাৰে সংঘটিত হোৱা ভয়াবহ পথ দুৰ্ঘটনাত দুগৰাকী লোক গুৰুতৰভাৱে আহত হয়।
জানিব পৰা মতে, ভাৰত-ভূটান আন্তঃৰাষ্ট্ৰীয় ঘাইপথত চুইফ্ট ডিজায়াৰ আৰু এখন ট্ৰাকৰ মাজত মুখামুখি সংঘৰ্ষ ঘটে।
তামুলপুৰৰ দিশৰ পৰা ৰঙিয়া অভিমুখে আহি থকা চুইফ্ট ডিজায়াৰ আৰু বিপৰীত দিশৰ পৰা গৈ থকা এখন ট্ৰাকৰ মাজত তুলসীবাৰীত মুখামুখি সংঘৰ্ষ ঘটে আৰু এই সংঘৰ্ষটোৰ ফলত চুইফ্ট ডিজায়াৰখনৰ চালকগৰাকী গুৰুতৰভাৱে আহত হোৱাৰ লগতে গাড়ীখন বেয়াকৈ ক্ষতিগ্ৰস্ত হয়।
উল্লেখযোগ্য যে, দুৰ্ঘটনাৰ ফলত ৰাস্তাৰে গৈ থকা আন এজন লোক আহত হয়।
দুৰ্ঘটনা সংঘটিত হোৱাৰ পাছতে স্থানীয় লোকে আঘাতপ্ৰাপ্ত লোক কেইগৰাকীক স্থানীয় চিকিৎসালয়ত ভৰ্তি কৰায় যদিও আঘাত গুৰুতৰ হোৱা বাবে চিকিৎসকে তেওঁলোকক গুৱাহাটী চিকিৎসা মহাবিদ্যালয়লৈ প্ৰেৰণ কৰে।
আনহাতে, পৰৱৰ্তী সময়ত দুৰ্ঘটনা সংঘটিত হোৱা স্থানত আৰক্ষীৰ দল উপস্থিত হৈ দুৰ্ঘটনাগ্ৰস্ত বাহন দুখন জব্দ কৰে।
