অহা ১৮ জুনৰ পৰা ২০ জুনলৈ নতুন দিল্লীত অনুস্থিত হ’ব লগীয়া ৰাষ্ট্ৰীয় যোগ অলিম্পিয়াড ২০১৯ত অসমৰ হৈ প্ৰতিনিধিত্ব কৰিব দৰঙৰ দেওমৰনৈ উচ্চতৰ মাধ্যমিক বিদ্যালয়ৰ দশম শ্ৰেণীৰ ছাত্ৰী ৰোহি চালমা আজিজে ৷ প্ৰতিযোগিতাখনত ৰোহি চালমা আজিজে অংশ ল’ব ছোৱালীৰ ১৪ ৰ পৰা ১৬ বছৰ শাখাত।
ৰাজ্যিক যোগ অলিম্পিয়াডত ২০১৯ ত ভাগ লৈ ক্ৰমে জিলা পৰ্যায়ৰ পৰা ৰাজ্যিক আৰু গুৱাহাটী কলাক্ষেত্ৰত অনুস্থিত ৰাজ্যিক পৰ্যায়ৰ পৰা ৰাষ্ট্ৰীয় পৰ্যায়লৈ নিৰ্বাচিত হোৱাত দৰঙৰ লগতে দেওমৰনৈ উচ্চতৰ মাধ্যমিক বিদ্যালয়ৰ পৰিয়াল উৎফুল্লিত হৈ পৰিছে ৷
৫ম শ্ৰেণীত পঢ়ি থকা সময়ৰ পৰা নিয়মিত যোগ অভ্যাস চৰ্চা কৰি বিভিন্ন প্ৰতিযোগিতাত অংশ গ্ৰহণ কৰি অহা ৰোহি চলমা আজিজ এগৰাকী মেধা ছাত্ৰী হোৱাৰ উপৰি আছে বিভিন্ন কৃষ্টিৰ ওপৰত দখল ৷ বিশেষকৈ সত্ৰীয়া নৃত্য, বিহুনৃত্য, আধুনীক নৃত্য আৰু বিভিন্ন গীত গাই প্ৰসংশা বুটলিব সক্ষম হৈছিল ৷
দেওমৰনৈ কুমাৰপাৰা গাঁওৰ আইজুদ্দিন আহমেদ আৰু মিজুৱাৰা বেগমৰ কন্যা ৰোহি চালমা আজিজে মহকুমা স্বাস্থ্য বিষয়া ডাঃ ৰমেশ গোস্বামীৰ বিশেষ তৎপৰতা আৰু পৰ্যায় ক্ৰমে উমেশ শৰ্মা, অজিত ঘোষ, পূৰ্ণ শৰ্মা, পৱন শৰ্মাৰ ওচৰত অনুশীলন কৰিছিল ৷
