‘কাশ্মীৰী পণ্ডিত সন্দৰ্ভত মৌন কিয়?’- পেলেষ্টাইনৰ সমৰ্থনত পোষ্ট কৰাৰ বাবে ট্ৰলৰ সন্মুখীন জাতীয় অধিনায়ক ৰোহিত শৰ্মাৰ পত্নী

‘সকলোৰে চকু ৰাফাৰ ওপৰত'(All eyes on Rafah)। ছ’চিয়েল মিডিয়াত ৰোহিতৰ পত্নী ঋতিকা সাজদৰ এই পোষ্টটোক লৈ সমালোচনাৰ ধুমুহাৰ সৃষ্টি হৈছে। কেৱল ঋতিকা নহয়, মাধুৰী দীক্ষিতেও একেটা পোষ্ট সামাজিক মাধ্যমত দিয়াৰ পাছত আক্ৰমণৰ সন্মুখীন হোৱাত ডিলিট কৰি দিয়ে।

ভাৰতীয় দলৰ সৈতে টি-২০ বিশ্বকাপ খেলিবলৈ বৰ্তমান আমেৰিকাত আছে ৰোহিত শৰ্মা। আৰু দেশত ঋতিকাই ইনষ্টাগ্ৰামত ৰাফাৰ ওপৰত পোষ্ট কৰিলে। যুদ্ধবিধ্বস্ত গাজা ষ্ট্ৰিপৰ ৰাফাহত আশ্ৰয় লৈছে পেলেষ্টাইনীসকল। তাৰ প্ৰতি সহানুভূতিশীল ৰোহিতৰ পত্নীৰ বাৰ্তাত ৰুষ্ট একাংশ নেটিজেন।

হৃতিকাৰ এই পোষ্টৰ পাছত ছ’চিয়েল চাইটত একাংশই লিখিছে- “ঋতিকা হঠাতে কিয় আন্তঃৰাষ্ট্ৰীয় পৰ্যায়লৈ গ’ল?তেওঁ ব্ৰাহ্মণ সন্তান, দেশত কাশ্মীৰী পণ্ডিতক আক্ৰমণ কৰাৰ সময়ত তেওঁ ক’ত আছিল? পাকিস্তান অধিকৃত কাশ্মীৰত সংখ্যালঘুৰ ওপৰত ইমান আক্ৰমণ হৈছিল, সেই সময়ত আপুনি কিয় মৌন আছিল? আৰু হঠাৎ পেলেষ্টাইনৰ জনসাধাৰণৰ ওপৰত ইমান দয়া কিয়?”

ছানিয়া মিৰ্জাৰ পৰা আৰম্ভ কৰি কৰীনা কাপুৰ, বৰুণ ধাৱানৰ পৰা দিয়া মিৰ্জালৈকে সকলোৱে ইজৰাইলৰ আগ্ৰাসনৰ বিৰুদ্ধে পেলেষ্টাইনীৰ পক্ষত থিয় দিছে। আনকি অষ্ট্ৰেলিয়াৰ বিখ্যাত ক্ৰিকেটাৰ ট্ৰেভিছ হেডেও লিখিছে, “প্ৰতিজন মানুহৰ জীৱনৰ মূল্য আছে।মানুহৰ মৃত্যুৰ বিৰুদ্ধে বৈষম্য কৰা উচিত নহয়।”