ডিব্ৰুগড় টাউন ৰে’লৱে ষ্টেচনত সংঘটিত হৈছে এক কৰুণ ঘটনা। ষ্টেচনটোত চলন্ত ৰে’লৰ খুন্দাত নিহত হৈছে ৰে’ল সুৰক্ষা বাহিনীৰ এজন জোৱান।
মৃত আৰ পি এফ জোৱানজনৰ নাম ধনকুমাৰ হাজং বুলি ৰে’ল আৰক্ষীয়ে অৱগত কৰিছে।
শুকুৰবাৰে নিশা প্ৰায় ০৮.৪৫ বজাত সংঘটিত হৈছে এই ঘটনা।
বহুতে সন্দেহ প্ৰকাশ কৰিছে যে জোৱান জনে আত্মহত্যা কৰিছে। কিন্তু বিষয়াসকলে কয় যে প্ৰাথমিক তদন্তৰ পৰা ইয়াক দুৰ্ঘটনাৰ ক্ষেত্ৰ যেন লাগে। অৱশ্যে তদন্তৰ পিছতহে কথাবোৰ স্পষ্ট হ’ব৷
উপ–পৰিদৰ্শক মৃণাল ডেকাই কয় যে মৃতদেহটো মৰণোত্তৰ পৰীক্ষাৰ বাবে অসম চিকিৎসা মহাবিদ্যালয়লৈ প্ৰেৰণ কৰা হৈছে আৰু আমি ঘটনাৰ অধিক তদন্ত কৰি আছোঁ।
প্ৰসংগক্ৰমে, চলিত বৰ্ষৰ আৰম্ভণিতে শিলচৰৰ ৰামনগৰ অঞ্চলত সংঘটিত হোৱা ৰে’লৰ সংঘৰ্ষত এজন যুৱকে প্ৰাণ হেৰুৱাইছিল। নিহত লোকজন নাগাটিলাৰ অমিত দে বুলি চিনাক্ত কৰা হৈছিল।
