এ আৰ ৰহমান, ৰাছুল পুকুটি আৰু গুলজাৰে ২০০৯ চনত স্লামডগ মিলিয়নেয়াৰ চলচ্চিত্ৰৰ ‘জয় হো’ গানটোৰ বাবে অস্কাৰ লাভ কৰিছিল। তাৰ পিছত বহুতো ভাৰতীয় চলচ্চিত্ৰই কেইবা বছৰ ধৰি অস্কাৰৰ মনোনয়ন লাভ কৰিছে যদিও অস্কাৰ হাতলৈ অহা নাছিল। এইবাৰ সেই । ভাৰতীয় চলচ্চিত্ৰ নিৰ্মাতা কাৰ্তিকী গনচালভেছ আৰু প্ৰযোজক গুনীত মোংগাই শ্ৰেষ্ঠ তথ্যচিত্ৰ চুটি চলচ্চিত্ৰৰ অস্কাৰ লাভ কৰে। আনহাতে, সংগীত পৰিচালক এম এম কীৰাৱানী আৰু গীতিকাৰ চন্দ্ৰবোছে মৌলিক গানৰ শাখাত অস্কাৰ লাভ কৰে।
কাৰ্তিকী গনচালভেছৰ পৰিচালিত আৰু গুণীত মোংগাই প্ৰযোজনা কৰা ‘দ্য এলিফেণ্ট হুইছপাৰাৰ্ছ’ (The Elephant Whisperers) তথ্যচিত্ৰখনে শ্ৰেষ্ঠ তথ্যচিত্ৰ শাখাত অস্কাৰ বঁটা লাভ কৰিছে।এই শিতানত অস্কাৰ বঁটা লাভ কৰা প্ৰথমখন ভাৰতীয় ছবি হৈছে ‘দ্য এলিফেণ্ট হুইছপাৰাৰ্ছ’। তদুপৰি, এই শিতানত মনোনয়ন পোৱা এইখন তৃতীয় ভাৰতীয় ছবি। ইয়াৰ পূৰ্বে ১৯৬৯ চনত ‘দ্য হাউছ ডেট আনন্দা বিল্ট’ আৰু ১৯৭৯ চনত ‘এন এনকাউণ্টাৰ উইথ ফেচেছ’–য়ে ভাৰতৰ পৰা শ্ৰেষ্ঠ তথ্যচিত্ৰ শাখাত প্ৰতিদ্বন্দ্বিতা কৰিছিল।
এছ এছ ৰাজামৌলীৰ ছবি ‘আৰআৰআৰ’য়ে সমগ্ৰ বিশ্বতে যথেষ্ট ব্যৱসায় কৰিছে। ৰাম চৰণ, জুনিয়ৰ এনটিআৰে ছবিখনৰ মুখ্য চৰিত্ৰত সকলোৰে মনোযোগ আকৰ্ষণ কৰিছে। আলিয়া ভাট আৰু অজয় দেৱগন এটা কেমিঅ’ চৰিত্ৰত আছিল। চলচ্চিত্ৰখনৰ গান ‘নাটু নাটু’য়ে শ্ৰেষ্ঠ মৌলিক গানৰ শাখাত স্থান লাভ কৰিছিল। একাডেমীয়ে ১০ টা শ্ৰেণীৰ বাবে মনোনয়নৰ তালিকা ঘোষণা কৰিছিল।
https://twitter.com/poornachoudary1/status/1635112875240079360?ref_src=twsrc%5Etfw%7Ctwcamp%5Etweetembed%7Ctwterm%5E1635112875240079360%7Ctwgr%5E66fcd6d74c65579db2e2a35e54cec7eea2efcd78%7Ctwcon%5Es1_&ref_url=https%3A%2F%2Fzeenews.india.com%2Fbengali%2Fentertainment%2Frrr-song-naatu-naatu-wins-oscars-2023-in-original-song-category_461899.html
এমএম কিৰবানীৰ সুৰত গানটোৱে ইতিমধ্যে গোল্ডেন গ্লোব জিকিছে। অস্কাৰৰ মঞ্চত স্থান লাভ কৰা এইখন প্ৰথম তেলেগু চলচ্চিত্ৰ। কোৱাৰ প্ৰয়োজন নাই যে ৰাজামৌলীয়ে আৰআৰআৰ-ৰ জৰিয়তে ইতিহাসৰ পৃষ্ঠাত নিজৰ স্থান সুদৃঢ় কৰি তুলিছে। এই বছৰতে গোল্ডেন গ্লোব বঁটা তেওঁলোকৰ হাতলৈ আহিছিল। এম এম কিৰাৱানীয়ে একেটা গানৰ বাবে এইবাৰ অস্কাৰ লাভ কৰিলে।
দুই গায়ক ৰাহুল চিপলিগঞ্জ আৰু কালাভৈৰৱে অস্কাৰৰ মঞ্চত ‘নাটু নাটু’ গানটো পৰিৱেশন কৰিছিল। দীপিকা পাডুকোনে এই গানটোৰ সৈতে ডলবি থিয়েটাৰত উপস্থিত তাৰকাসকলক পৰিচয় কৰাই দিছিল। ক’লা গাউন পিন্ধি দীপিকাই সকলোকে সন্মোহিত কৰিছিল। দীপিকাই কৈছিল যে এই গানটো প্ৰকৃততে ‘টোটেল বেংগাৰ’। তেওঁ ভাবে যে সকলোৱে এই গানটোত নাচিবলৈ বাধ্য হ’ব।
Here's the energetic performance of "Naatu Naatu" from #RRR at the #Oscars. https://t.co/ndiKiHeOT5 pic.twitter.com/Lf2nP826c4
— Variety (@Variety) March 13, 2023
দীপিকাই লগতে মনত পেলাই দিছিল যে শ্ৰেষ্ঠ মৌলিক গানৰ শাখাত অন্তৰ্ভুক্ত হোৱা এইটো প্ৰথম ভাৰতীয় ভাষাৰ গান। ভাৰতীয় আৰু আমেৰিকান নৃত্যশিল্পীসকলে মঞ্চত ধুমুহাৰ সৃষ্টি কৰিছিল।
