প্ৰধানমন্ত্ৰী পদত নৰেন্দ্ৰ মোডীৰ বাবে সংঘৰ বাণ আৰু চোকা হৈ আহিছে নেকি? এই জল্পনা-কল্পনা বাঢ়িছে। আৰু ইয়াৰ আঁৰত আছে আৰ এছ এছৰে শীৰ্ষ মহল। সৰসংঘ চালক মোহন ভাগৱতে দ্ব্যৰ্থহীনভাৱে কৈছে যে ৭৫ বছৰ বয়সত অৱসৰ লোৱা উচিত। কাৰণ, তেওঁ নতুনসকলক সুযোগ দিবই লাগিব।
এই বাৰ্তা কিয় গুৰুত্বপূৰ্ণ? কাৰণ, ১৭ ছেপ্টেম্বৰত নৰেন্দ্ৰ মোদীয়ে ৭৫ বছৰ সম্পূৰ্ণ কৰিব। তেওঁ সৃষ্টি কৰা ‘নিয়ম’ – সেই বয়সৰ পিছত গুৰুত্বপূৰ্ণ পদৰ পৰা পদত্যাগ কৰিব লাগিব। গতিকে প্ৰধানমন্ত্ৰী পদৰ বাবেও একে নিয়ম কাৰ্যকৰী হোৱা উচিত?
এই চৰ্চা দলৰ ভিতৰতে বনজুইৰ দৰে বিয়পি পৰিছে। সেইদৰে আৰ এছ এছৰ ভিতৰতো। দলটোৰ এটা অংশই দাবী কৰিছে যে সংঘই এতিয়া চৰকাৰৰ শীৰ্ষ পদত মোডীক নিবিচাৰে। ভাগৱতৰ মন্তব্যই তাৰ প্ৰমাণ।
বুধবাৰে নাগপুৰত সংঘৰ প্ৰবীণ নেতা মৰোপন্ত পিংগলেৰ গ্ৰন্থ উন্মোচনী অনুষ্ঠানত অংশগ্ৰহণ কৰিছিল সংঘৰ মুৰব্বীগৰাকী। তাতেই ভাগৱতে সংঘৰ এই নেতাৰ এটা ঘটনা উত্থাপন কৰে। তেওঁ কয়, ‘যেতিয়া ৭৫ বছৰ বয়সত বৃন্দাবনত পিংগলেজীক সম্বৰ্ধনা জনোৱা হৈছিল, তেতিয়া তেওঁ সেই মঞ্চতে কৈছিল যে ৭৫ বছৰ বয়সত চাদৰ দিয়াৰ অৰ্থ মই জানো। এই বয়সতে যে এৰি দিব লাগিব সেই শিক্ষা তেওঁ দিছিল।’
ভাগৱতে প্ৰধানমন্ত্ৰীৰ চকীখনকে যে এনেদৰে লক্ষ্য কৰি লৈছে তাত কোনো সন্দেহ নাই। শিৱসেনাৰ উদ্ধৱ শিৱিৰৰ নেতা সঞ্জয় ৰাউতেও স্পষ্টকৈ কৈছে- ‘এনেকৈ আচলতে সৰসংঘ প্ৰধানে নৰেন্দ্ৰ মোডীকে লক্ষ্য কৰি লৈছে। প্ৰসংগক্ৰমে ভাগৱত আৰু মোডী দুয়োজনেই ছেপ্টেম্বৰ মাহত ৭৫ বছৰ সম্পূৰ্ণ কৰিব। ইতিমধ্যে ভাগৱতে পদত্যাগ কৰাৰ কথা ঘোষণা কৰিছে। এতিয়া চোৱা যাওক নৰেন্দ্ৰ মোদীয়ে চকীৰ পৰা নামে নে নাই।’
লোকসভা নিৰ্বাচনৰ ফলাফল ঘোষণা কৰাৰ পিছৰে পৰা মোডীৰ স্থিতি সন্দৰ্ভত জল্পনা-কল্পনা চলি আহিছে। বিৰোধীয়েও ইয়াত অহৰহ ইন্ধন যোগাই আহিছে। সেই হেঁচাত পৰি চৰকাৰৰ ছেকেণ্ড ইন কমাণ্ড অমিত শ্বাহে ফিল্ডত নামিবলগীয়া হয়।
তেওঁ দাবী কৰিছিল যে ২০২৯ চনলৈ মোডীজীয়েই আমাৰ প্ৰধানমন্ত্ৰী হৈ থাকিব। তাৰপিছতো। যদিও, এই দাবীত সংঘৰ সন্মতি আছেনে? সেইটোৱেই এতিয়া লাখটকীয়া প্ৰশ্ন। আন এটা গুৰুতৰ প্ৰশ্ন— ছেপ্টেম্বৰ মাহত ভাৰতে নতুন প্ৰধানমন্ত্ৰী লাভ কৰিবলৈ ওলাইছে নেকি?
