ৰাষ্ট্ৰীয় স্বয়ং সেৱক সংঘৰ (আৰ এছ এছ) শতাধিক কৰ্মীয়ে দেওবাৰে ডিব্ৰুগড়ৰ চৌকিডিঙি খেলপথাৰত আৰ এছ এছৰ এক হিন্দু শক্তি সংগম কাৰ্যসূচীত অংশগ্ৰহণ কৰে।
আৰ এছ এছৰ সদস্যসকলক উদ্দেশ্যি অখিল ভাৰতীয় শাৰিৰীক প্ৰমুখ সুনীল কুলকাৰ্ণীয়ে সমাজৰ হকে তথা সমাজখনক শক্তিশালী কৰাৰ বাবে কাম কৰি যাবলৈ আহ্বান জনায়। ‘’আৰ এছ এছৰ মূল উদ্দেশ্য হৈছে দেশ, সমাজ আৰু ইয়াৰ জনসাধাৰণৰ বিকাশৰ বাবে কাম কৰা। ‘ভাৰত তোড়া গেং’ এ ভাৰতক বিভাজিত কৰাৰ বাবে কাম কৰি আছে। আমি সন্মিলিত প্ৰচেষ্টাৰে এনেধৰণৰ শক্তিক পৰাভূত কৰিব পাৰো,’’-কুলকাৰ্ণীয়ে কয়।
কুলকাৰ্ণীয়ে কিছুমান শক্তিয়ে তেওঁলোকৰ গোপন অভিপ্ৰায়ৰ বাবে ভাৰতৰ বিৰুদ্ধে কাম কৰি আছে বুলি কয়। ‘’যদি হিন্দুসকল ঐক্যবদ্ধ হয় তেতিয়াহ’লে কোনো শক্তিয়ে আমাক পৰাভূত কৰিব নোৱাৰে। আমি সদায়েই চিন্তা কৰা উচিত যে আমি দেশ আৰু সমাজক সেৱা কৰিবলৈ জন্ম গ্ৰহণ কৰিছো। আৰ এছ এছ এটা অৰাজনৈতিক সংগঠন আৰু আৰ এছ এছৰ মূল উদ্দেশ্য হৈছে আনৰ বাবে চিন্তা কৰা, আনৰ বাবে কাম কৰা আৰু সমাজক শক্তিশালী কৰি তোলা,’’-কুলকাৰ্ণীয়ে লগতে কয়।
হিন্দুসকলক একেখন মঞ্চত সংগঠিত কৰাৰ বাবে আৰ এছ এছে ডিব্ৰুগড়ত হিন্দু শক্তি সংগমৰ আয়োজন কৰিছে।
অসমত বহু বছৰ ধৰি প্ৰচাৰক হিচাপে থকা সুনীল কুলকাৰ্ণীৰ অসমীয়া ভাষাত এক বিশেষ দখল আছে আৰু তেওঁ কেইবাটাও অসমীয়া কবিতা লিখিছে।
