নামনি অসমৰ ধুবুৰী জিলাৰ ধুবুৰী চহৰত অৱস্থিত প্ৰসিদ্ধ ধুবুৰী ভোলানাথ মহাবিদ্যালয়ৰ ভাষা-সাহিত্য চ’ৰা , অসমীয়া বিভাগৰ উদ্যোগত ,ধুবুৰী জিলা সাহিত্য সভাৰ ৰামধেনু উপসমিতি ,মাজুলী উত্তৰ কমলাবাৰী শাখা সাহিত্য সভা আৰু নগাঁও আলিপুখুৰী শাখা সাহিত্য সভাৰ সহযোগত অসম সাহিত্য সভাৰ পত্ৰিকা সম্পাদক তথা ভোলানাথ মহাবিদ্যালয়ৰ অসমীয়া বিভাগৰ মুৰব্বী অধ্যাপক ড.উপেন্দ্ৰজিত শৰ্মাৰ সঞ্চালনাত গীতে -মাতে -কথাৰে ৰূপকোঁৱৰ জ্যোতিপ্ৰসাদ আগৰৱালা দেৱক ৱেৱ সন্মিলনৰ জৰিয়তে এটি সশ্ৰদ্ধ সোঁৱৰণ অনুষ্ঠানৰ আয়োজন কৰা হয়।
অনুষ্ঠানৰ আৰম্ভণিতে শিশুশিল্পী ময়ূৰী শৰ্মা আৰু প্ৰসেন্দ্ৰজিত শৰ্মাই জ্যোতি সংগীত পৰিবেশনেৰে শিল্পী গৰাকীলৈ শ্ৰদ্ধাঞ্জলি জনাই অনুষ্ঠানৰ শুভাৰম্ভণি কৰে ।উদ্দেশ্য ব্যাখ্যা কৰে জিলা সাহিত্য সভাৰ সম্পাদক আজাদ আলী আহমেদে ।
সুন্দৰৰ পূজাৰী জ্যোতিপ্ৰসাদ আগৰৱালাৰ মহান গুণৰাজি সোঁৱৰণ কৰি সভাখন উদ্বোধন কৰে ভোলানাথ মহাবিদ্যালয়ৰ অধ্যক্ষ ড.ধ্ৰুৱ চক্ৰৱৰ্তীয়ে ।
শিল্পী গৰাকীলৈ শ্ৰদ্ধা নিবেদন কৰি জ্যোতিসংগীত পৰিবেশন কৰে বিশিষ্ট শিল্পী কমল শৰ্মা আৰু মালবিকা ডিহিদাৰে |আজিৰ এই অনুষ্ঠানত মুখ্য বক্তৃতা প্ৰদান কৰে সোণাৰী মহাবিদ্যালয়ৰ অসমীয়া বিভাগৰ মুৰব্বী অধ্যাপক তথা চৰাইদেউ জিলা সাহিত্য সভাৰ সম্পাদক ,বিশিষ্ট গৱেষক -সাহিত্যিক ড.ৰঘুনাথ কাগয়ুংএ।
ভাষণত ড.কাগয়ুংএ জ্যোতিপ্ৰসাদৰ সাহিত্য ,সংস্কৃতিৰ কেতবোৰ ন ন দিশ উন্মোচিত কৰে ।
ড.উপেন্দ্ৰজিত শৰ্মাৰ সঞ্চালনাত অনুষ্ঠিত গীতে-মাতে -কথাৰে জ্যোতি স্মৰণ অনুষ্ঠানটোত ধুবুৰী ভোলানাথ মহাবিদ্যালয়ৰ ছাত্ৰ -ছাত্ৰী ক্ৰমে আব্দুল হানিফ খান ,লাভলী শীল ,লিপিকা ইয়াছমিন,ৰাইহানা ইছলাম,ভনিতা দাস,চুলতানা পাৰবীন,তমেজ আলী ,ছৰিফাবেগম,তানিয়া বেগম,ৰিয়া মণ্ডলৰ লগতে অসমৰ বিভিন্ন প্ৰান্তৰ পৰা পাপু বৰা ,ৰূপক অধিকাৰী ড.উমেশ দাস ,জুঁই দাস, ভাৰত দাস ,কল্পনা দাস ,শিশু কবি আৰাধ্যা মৃন্ময় শৰ্মা , প্ৰসেন্দ্ৰজিত শৰ্মা ,ময়ূৰী শৰ্মা আদিয়ে |শিল্পীগৰাকীলৈ শ্ৰদ্ধাঞ্জলি জনাই ভাষণ প্ৰদান কৰে মাজুলী উত্তৰ কমলাবাৰী সাহিত্য সভাৰ সম্পাদক তৃষাৰাণী বৰুৱা ,নগাঁও আলিপুখুৰী সাহিত্য সভাৰ কন্দৰ্প কুমাৰ কলিতা , ধেমাজী জিলা সাহিত্য সভাৰ সম্পাদক ৰঞ্জিত চিৰিং ,ধুবৰী জিলা সাহিত্য সভাৰ ৰামধেনু উপসমিতিৰ কাৰ্যকৰী সভাপতি মিহিৰ দাস ,জিলা সভাপতি তৰণী কান্ত ৰায় ,জিলা মুখপাত্ৰ তিলক প্ৰসাদ আদিয়ে ।
অনুষ্ঠানত বিশিষ্ট শিল্পী ভোলানাথ ৰায়ে গোৱালপৰীয়া লোকগীত পৰিবেশন কৰে ।অনুষ্ঠানত আবৃত্তি কৰা স্বৰিচত কবিতাৰ পৰ্যালোচনা আগবঢ়াই মাজুলী জিলা সাহিত্য সভাৰ ৰামধেনু উপসমিতিৰ আহ্বায়ক কবি শংকু সিদ্ধ নাথ আৰু মাজুলী জিলা কবি সন্মিলনৰ সম্পাদক পাপু বৰাই ।অনুষ্ঠানত ভোলানাথ মহাবিদ্যালয়ৰ ছাত্ৰ -ছাত্ৰী ,অধ্যাপক -অধ্যাপিকাবৃন্দৰ লগতে সমগ্ৰ অসমৰ দুই শতাধিক লোকে অংশ গ্ৰহণ কৰি মহান শিল্পী গৰাকীলৈ শ্ৰদ্ধা নিবেদন কৰে ।জাতীয় সংগীত পৰিবেশনেৰে অনুষ্ঠানৰ সামৰণি পৰে ।
ধেমাজি, গোলাঘাট,ধুবুৰী, বিলাসীপাৰা,মাজুলী,নগাঁও, চৰাইদেউ, চাপৰ আদিকে ধৰি অসমৰ অন্যান্য ঠাইৰ পৰা ৱেব মাধ্যমেৰে এই অন্তৰ্শ্পৰ্শি অনুষ্ঠানত অংশ গ্ৰহণ কৰি সাহিত্য প্ৰেমী সকলে অনুষ্ঠানটোৰ আন্তৰিকতাৰে প্ৰশংসা কৰে।
