অসম ফাইন আৰ্টচ আৰু ক্ৰাফট ছ’চাইটিৰ অন্তৰ্গত ৰূপম কলা কেন্দ্ৰৰ ১২ সংখ্যক প্ৰতিষ্ঠা দিৱস দেওবাৰে এদিনীয়া কাৰ্যসূচীৰে শিৱসাগৰত অনুষ্ঠিত হৈ যায়। প্ৰতিষ্ঠা দিৱসৰ লগত সংগতি ছাত্ৰ-ছাত্ৰীসকলে থলীতে ছবি আঁকি এখন প্ৰদৰ্শনীৰ আয়োজন কৰে।
২০১৮ বৰ্ষত ৰূপম কলা কেন্দ্ৰত বিশেষ পাৰদৰ্শিতা প্ৰদৰ্শন কৰা প্ৰজ্বলিকা দুৱৰা, নিকিতা কোঁচ, প্ৰজ্ঞা প্ৰিয়া বৰঠাকুৰ, চুনীয়া চেতিয়া, লিজা বৰা, প্ৰদ্যুন্ম দত্ত, সৃজনা গগৈ, ইশিতা কাশ্যপ, আকাশ চুতীয়া, শ্বেতা মোদী, জ্যোতিষ ৰঞ্জন, প্লাবিতা কোঁৱৰক প্ৰশংসা পত্ৰ প্ৰদান কৰা হয়।
অনুষ্ঠানত বিশিষ্ট অতিথি হিচাপে উপস্থিত থাকি জ্যেষ্ঠা মহিলা অৰুন্ধতী বেজবৰুৱা, সংগীত শিল্পী জয়ন্ত দত্ত, সাংবাদিক প্ৰশান্ত বৰগোহাঁই, সমাজকৰ্মী উপেন বৰঠাকুৰ, সৌৰভ ভাগৱতীয়ে বক্তব্য আগবঢ়ায়।
আনহাতে, দেৱজিৎ বৰুৱা, জ্ঞানদ্বীপ বৰুৱা, প্লাবিতা বৰঠাকুৰ, পূৰ্ণিমা কোঁৱৰকো উক্ত অনুষ্ঠানতে সম্বৰ্ধনা জনোৱা হয়। বীণা কোঁৱৰকে ধৰি বহুকেইগৰাকী অভিভাৱকে তেওঁলোকৰ মনৰ অনুভৱ ব্যক্ত কৰে।
পৰিণীতা বেজবৰুৱাই আঁত ধৰা অনুষ্ঠানটোৰ সামৰণিত কলা কেন্দ্ৰৰ অধ্যক্ষ ৰূপম বেজবৰুৱাই ভৱিষ্যতৰ দিনবোৰত অধিক উৎসাহেৰে আগবাঢ়ি যোৱাৰ সংকল্পৰ কথা ব্যক্ত কৰে।
