ইউক্ৰেইনৰ ভূমি ব্যৱহাৰ কৰি ৰাছিয়াৰ প্ৰতি নাটোৰ ভাবুকি বন্ধ হ’লেই ইউক্ৰেইনত ৰাছিয়াৰ সামৰিক অভিযানৰ অন্ত পৰিব বুলি মস্কোই ঘোষণা কৰিছে।
ৰাছিয়াৰ বৈদেশিক মন্ত্ৰ্যালয়ৰ শীৰ্ষ বিষয়া এলেক্সি প’লিচছুকে এই কথা সদৰী কৰিছে। ৰাছিয়াৰ ৰাষ্ট্ৰীয় বাতৰি সংস্থা তাছ-ৰ উদ্ধৃতিৰে এই বাতৰি প্ৰকাশ কৰিছে বিবিচিয়ে।
এলেক্সিয়ে কয়,’’ইউক্ৰেইনত বিশেষ সামৰিক অভিযান অন্ত পৰিব ৰাছিয়াৰ কামসমূহো সম্পন্ন হ’ব। ইয়াৰ মাজত আছে ডোনবাছৰ জনসাধাৰণৰ শান্তি তথা সুৰক্ষা, ইউক্ৰেইনৰ নিৰস্ত্ৰীকৰণ আৰু নাজীবাদৰ মুক্তকৰণ। তাৰ লগতে ইউক্ৰেইনৰ ভূখণ্ডৰ পৰা নাটোৰ ৰাছিয়ালৈ যি ভাবুকি আহিছে সেয়া বন্ধ হোৱাটো জৰুৰী।‘’
লগতে পঢ়ক: জাহাংগীৰপুৰীৰ উত্তেজনাৰ মাজতে দিল্লীত বিজেপি নেতাক গুলীয়াই হত্যা
অৱশ্যে ইউক্ৰেইনৰ ভূখণ্ডৰ পৰা নাটোৱে কিধৰণে ৰাছিয়াক ভাবুকি দিছে সেই বিষয়ে তেওঁ কোনো বাখ্যা আগবঢ়োৱা নাই।
উল্লেখ্য যে যোৱা ২৪ ফেব্ৰুৱাৰীৰ পৰা ৰাছিয়াৰ ৰাষ্ট্ৰপতি পুটিনে ইউক্ৰেইনৰ পূৰ্বাঞ্চলৰ ৰুছ ভাষী অধ্যুষিত ডোনবাছ অঞ্চলক স্বতন্ত্ৰতা প্ৰদানৰ লক্ষ্যৰে দেশখনত বিশেষ সামৰিক অভিযান আৰম্ভ কৰিছিল।
আমেৰিকা তথা ইউৰোপৰ দেশসমূহে এই অভিযানক পুটিনৰ বলপূৰ্বক ভূখণ্ড দখল হিচাপে অভিহিত কৰিছে। এইসমূহ পাশ্চাত্যৰ দেশে মস্কোৰ বিৰুদ্ধে কঠোৰ নিষেধাজ্ঞা আৰোপ কৰিছে।
লগতে পঢ়ক: গুজৰাটৰ পৰা কোকৰাঝাৰ আৰক্ষীয়ে গ্ৰেপ্তাৰ কৰিলে কংগ্ৰেছ সমৰ্থিত বিধায়ক জিগনেশ মেৱানীক
ইপিনে, ৰাছিয়াই স্পষ্ট কৰি দিছে যে ইউক্ৰেইনে মস্কোৰ এলানি দাবী মানি ল’লেই সামৰিক অভিযান বন্ধ নহয়। ইউক্ৰেইনে কেতিয়াও নাটোত যোগ নিদিয়ে বুলিও কথা দিব লাগিব।