দেশৰ বিভিন্ন প্ৰান্তৰ প্ৰতিভাৱান কণ কণ শিশুসকলৰ দ্বাৰা আকৰ্ষণীয় প্ৰদৰ্শনেৰে জি টিভিৰ ৰিয়েলিটি টেলিভিছন শ্ব’ সা ৰে গা মা পাই দৰ্শকৰ মন জয় কৰাৰ পাছত ২০২০ বৰ্ষৰ শ্ব’ৰ বাবে আয়োজন আৰম্ভ কৰিচে জি টিভিয়ে।
বিগত বৰ্ষবোৰৰ দৰে পৰম্পৰা অক্ষুণ্ণ ৰাখি অতি কম বয়সতে শিশু কণ্ঠশিল্পীসকলক চিনাক্তকৰণেৰে তেওঁলোকৰ প্ৰতিভা প্ৰদৰ্শনৰ বাবে এখন উচিত মঞ্চ প্ৰদানৰ উদ্দেশ্যে শ্ব’টোৱে পুনৰবাৰ প্ৰতিভাৱান শিশুৰ সন্ধানৰ বাবে বিভিন্ন চহৰত অ’ডিচন আয়োজন কৰিছে।
সেই মৰ্মে ৫ জানুৱাৰিত খানাপাৰাৰ জয়ানগৰ, ত্ৰিপুৰা ৰোডত থকা পদ্মনাথ শৰ্মা ভৱনত গুৱাহাটীৰ অ’ডিচন অনুষ্ঠিত হ’ব।
কেৱল নাম পঞ্জীয়ন কৰা সকলেহে অ’ডিচনত অংশগ্ৰহণ কৰিব পাৰিব বুলি উদ্যোক্তা সকলে জনাইছে।
অ’ডিচনৰ বাবে নাম পঞ্জীয়ন কৰিবলৈ ৭৩০৪১৮-৯১৯৪, ৮৮২৮২৯০২৯১ নম্বৰত যোগাযোগ কৰক।
অ’ডিচনত অংশগ্ৰহণৰ বাবে শিশুৰ বয়স সৰ্বাধিক ১৫ বছৰ বুলি নিৰ্বাচন কৰা হৈছে।
গুৱাহাটীৰ উপৰিও কোচি, ভুৱনেশ্বৰ, গোৱা, লক্ষ্ণৌ, বেংগালুৰু, চণ্ডীগড়, ইন্দোৰ, পাটনা, জয়পুৰ, নাগপুৰ, পুনে, আহমেদাবাদ, ক’লকাতা, দিল্লী আৰু মুম্বাইতো অ’ডিচন অনুষ্ঠিত হ’ব।
