ভাৰতীয় ক্ৰিকেট দলৰ প্ৰাক্তন মহান খেলুৱৈ শচীন টেণ্ডুলকাৰক ক্ৰিকেট জগতৰ ভগৱান বুলি কোৱা হয়। এশটা আন্তঃৰাষ্ট্ৰীয় শতক, অভিলেখ সংখ্যক ৰানৰ লগতে আন বহু গুণৰ অধিকাৰী এইগৰাকী মহান ক্ৰিকেটাৰ।
১৯৮৯ চনত আন্তঃৰাষ্ট্ৰীয় ক্ৰিকেট জগতত ভৰি দিয়া এইগৰাকী শচীনে আজিলৈকে কোনো ধৰণৰ মদ আৰু ধঁপাতৰ বিজ্ঞাপন কৰা নাই।
কিম্বদন্তী ক্ৰিকেটাৰ গৰাকীয়ে কিয় আজিলৈকে মদ বা ধঁপাত জাতীয় সামগ্ৰীৰ বিজ্ঞাপন কৰা নাই সেই সম্পৰ্কে শেহতীয়াকৈ এখন বাতৰি কাকতৰ এটা সাক্ষাৎকাৰত উল্লেখ কৰে।
সাক্ষাৎকাৰটোত শচীনে কয় যে তেওঁ সদাই মদ তথা তেনেধৰণৰ ধঁপাত জাতীয় সামগ্ৰীৰ বিজ্ঞাপন এৰাই চলি আহিছে।
ইয়াৰ কাৰণ উল্লেখ কৰি শচীনে কয় যে মোৰ দেউতাক প্ৰতিজ্ঞা কৰিছিলো যে মই কোনো দিনে মদ আৰু ধঁপাতজাতীয় সামগ্ৰীৰ প্ৰচাৰ নকৰো। এই কাৰণেই মই এনেধৰণৰ বিজ্ঞাপন নকৰো।
ইয়াৰ উপৰি বেলেগে মোক অনুকৰণ কৰে বুলিও দেউতাই মোৰ আগত বাৰে বাৰে কৈছিল আৰু যাৰ বাবে মই ইয়াৰ প্ৰচাৰ আৰু বিজ্ঞাপন কৰাৰ পৰা আঁতৰত আছো।
শচীনে লগতে কয় যে ১৯৯০ দশকৰ সময়ত মোৰ বেটত কোনো ষ্টিকাৰ নাছিল আৰু মোৰ কোনো কনট্ৰেক্টো হোৱা নাছিল। সেই সময়তে ধঁপাত জাতীয় সামগ্ৰী প্ৰচাৰৰ বহু সুবিধা পাইছিলো যদিও মই সেয়া কৰা নাছিলো।
