ক’ৰ’না ভাইৰাছে সৃষ্টি কৰা সংহাৰৰ বাবে বৰ্তমান ক্ৰিকেট খেল অনুষ্ঠিত কৰাটো অসম্ভৱ। ভাইৰাছবিধৰ ভয়াবহতাৰ প্ৰতি লক্ষ্য ৰাখি ক্ৰিকেটৰ লগতে অন্যান্য ক্ৰীড়া টুৰ্ণামেণ্ট সমূহো নিৰ্দিষ্ট কিছু সময়ৰ বাবে বাতিল কৰা হৈছে।
এই মহামাৰী ভাইৰাছৰ আতংক হ্ৰাস পোৱাৰ পিছত পুনৰ ক্ৰিকেট শৃংখলা সমূহ অনুষ্ঠিত হ’ব যদিও ক্ৰিকেটাৰ সকলৰ সুৰক্ষাৰ প্ৰতি লক্ষ্য ৰাখি এই খেলবিধৰ নিয়ম কিছু পৰিমানে সাল-সলনি ঘটোৱা হ’ব বুলি ইংগিত লাভ কৰা গৈছে।
সাধাৰণতে ক্ৰিকেটত ফিল্ডিং কৰি থকা দলটোৰ অধিকাংশ খেলুৱৈয়ে বলটো ছাইন কৰাৰ বাবে থু তথা শৰীৰৰ পৰা ওলোৱা ঘাম লগোৱা পৰিলক্ষিত হয়। কিন্তু ক্ৰিকেট পুনৰ আৰম্ভ হ’লে ক্ৰিকেটাৰ সকলে বলত থু ব্যৱহাৰ কৰিব নোৱাৰিব।
বাধা আৰোপ কৰিছে অট্ৰেলিয়াৰ চৰকাৰে। যদি বলাৰ সকলে এই নিয়ম ভংগ কৰে তেন্তে তেওঁলোকৰ ওপৰত ব্যৱস্থা গ্ৰহণ কৰিব বুলিও চৰকাৰে জনায়।
জানিব পৰা মতে কোভিদ-১৯ৰ সংকটৰ পিছত যেতিয়া ক্ৰিকেট আৰম্ভ হ’ব তেতিয়া বল চমকৰ বাবে থু আৰু ঘাম লগোৱাত নিষেধাজ্ঞা জাৰি কৰিব অষ্ট্ৰেলিয়া চৰকাৰে।
উল্লেখ্য যে কিছুদিন পূৰ্বে পাকিস্তানৰ প্ৰাক্তন বেগীবলাৰ ছোৱাইব আখতাৰে এই সন্দৰ্ভত কৈছিল যে বলাৰসকলে বলটো চকমকীয়া তথা ৰিভাৰ্চ চুইং কৰিবৰ বাবে থু সানিছিল। এই কৌশলে বলাৰসকলক সফলতা লাভৰ ক্ষেত্ৰত যথেষ্ট সহায় কৰিছিল।