নাগৰিকত্ব সংশোধনী আইনৰ বিৰুদ্ধে আন্দোলন কৰি ৰাষ্ট্ৰদ্ৰোহৰ গোচৰত কাৰাৰুদ্ধ হৈ থকা কৃষক নেতা অখিল গগৈ আৰু তেওঁৰ সতীৰ্থসকলৰ মুক্তিৰ দাবী জনাইছে সদৌ অসম ছাত্ৰ সন্থাৰ মুখ্য উপদেষ্টা ড০ সমুজ্জ্বল কুমাৰ ভট্টাচাৰ্যই।
টুইটাৰ যোগে আছু নেতা গৰাকীয়ে অসুস্থ কৃষক নেতা অখিল গগৈৰ উপযুক্ত চিকিৎসা প্ৰদান কৰিবলৈ চৰকাৰৰ ওচৰত দাবী জনায়।
“চৰকাৰে আক্ৰোষ তথা অন্যায়ভাৱে অমানৱীয় আচৰণ কৰিছে কৃষক নেতা অখিল গগৈ আৰু তেওঁৰ সতীৰ্থৰ ওপৰত। শীঘ্ৰে উপযুক্ত চিকিৎসা প্ৰদান কৰক”, এইদৰে চৰকাৰক দাবী জনাই ভট্টাচাৰ্য্যই।
ইপিনে টুইটযোগে ভট্টাচাৰ্য্যই দাবী জনাই কয়, “অখিল আৰু তেওঁ সতীৰ্থ কাৰাবন্দীক শীঘ্ৰে মুকলি কৰি দিব লাগে”।
Strongly condemn the inhuman treatment meted out to Akhil Gogoi and his associates by the Government. They must be given the best medical care. Reiterate our demand for the immediate release of #AkhilGogoi and his associates.@CMOfficeAssam@mygovassam #ReleaseAkhilGogoi
— Dr. Samujjal Bhattacharjya (@SamujjalBhatta) July 10, 2020
উল্লেখ্য যে, দীৰ্ঘদিন ধৰি গুৱাহাটী কেন্দ্ৰীয় কাৰাগাৰত বন্দী হৈ থকা অখিল গগৈ গুৰুতৰভাৱে অসুস্থ হোৱা বুলি বিভিন্ন সূত্ৰত প্ৰকাশ পাইছে। জ্বৰ-কাহ আৰু গাৰ বিষত আক্রান্ত গগৈ।
কাৰাৰুদ্ধ কৃষক নেতাগৰাকী কৰ’নাত আক্ৰান্ত হোৱা বুলি খবৰ ওলাইছিল যদিও কালি নিশা অহা টেষ্টৰ ফলাফল নিগেটিভ আহে।
আনহাতে, কাৰাবন্দী হৈ থকা তেওঁৰ আন দুই সতীৰ্থ ক্ৰমে ধৈৰ্য কোঁৱৰ আৰু বিতু সোণোৱাল ক’ৰনাত আক্রান্ত হৈছে।
