ধ্বংস যজ্ঞৰ কুচ-কাৱাজ? ছেটেলাইটত ধৰা পৰিছে উত্তৰ কোৰিয়াৰ নিৰ্মাণৰত পৰমাণু কেন্দ্ৰৰ ছবি
উত্তৰ কোৰিয়াই এক বিশাল ভাণ্ডাৰ কেন্দ্ৰৰ নিৰ্মাণ কৰি থকাৰ কথা পোহৰলৈ আহিছে। এইটো পৰমাণু অস্ত্ৰৰ ভাণ্ডাৰ হিচাপে তথা পৰীক্ষণৰ বাবে ইয়াক ব্যৱহাৰ কৰিব পাৰে।
দেশখনৰ ৰাজধানী চহৰ পিয়ংয়াঙৰ ওচৰত অৱস্থিত ছিল-লীত এই কেন্দ্ৰটো নিৰ্মাম কৰি থকা হৈছে।
উপগ্ৰহৰ দ্বাৰা লোৱা এক ছবিত এই কথা পোহৰলৈ আহিছে। কেন্দ্ৰটো চলিত বছৰৰ শেষত বা ২০২১ৰ প্ৰথমভাগত নিৰ্মাণহৈ উঠিব।
দেশখনৰ একনায়ক শাসক কিম জং উনে ইয়াক পৰমাণু অস্ত্ৰৰ ভাণ্ডাৰ ৰক্ষা কৰা তথা বৃদ্ধি কৰাৰ কামত ব্যৱহাৰ কৰাৰ অনুমান কৰা হৈছে।
আমেৰিকা আৰু কিমৰ মাজত আলোচনা ব্যৰ্থ হোৱাৰ পাছতে ইয়াৰ নিৰ্মাণ কৰা হৈছে।
আমেৰিকাৰ চেন্টাৰ ফৰ ষ্ট্ৰেটেজিক এণ্ড ইন্টাৰনেশ্যনেল ষ্টাডিজে জানিবলৈ দিয়া মতে ইয়াৰ নিৰ্মাণ ২০১৬চনতে আৰম্ভ হৈছিল।
সেই সময়ত উত্তৰ কোৰিয়াই আমেৰিকালৈকে আঘাত কৰিব পৰা মিছাইল নিৰ্মাণৰ কামত ব্যস্ত আছিল।
১৯৮০চনত নিৰ্মাণ কৰা এক আণ্ডাৰগ্ৰাউণ্ড বিমানঘাটিৰ আশেপাশেই এই নতুন কেন্দ্ৰটো নিৰ্মাণ কৰি থকা হৈছে।
ইয়াৰ মাজতে কিম জং উনৰ নকল চেহেৰাৰ বিষয়টোৱেও চৰ্চা লাভ কৰিছে।
চোৰাংচোৱাৰ প্ৰতিবেদন অনুসৰি কিম জং উনে প্ৰায়েই ৰাজহুৱা কাৰ্যসূচীত নকল চেহেৰাৰ ব্যৱহাৰ কৰে।
ইয়াৰ পূৰ্বে ২০১৭চনত এটা ভিডিঅ’ পোহৰলৈ আহিছিল য’ত কিমে নিজৰ দুটা নকল চেহেৰাৰ সৈতে মিছাইলৰ পৰীক্ষণ প্ৰত্যক্ষ কৰিছিল।