Satya Pal Malik said MSP not being implemented দিল্লীত কৃষক সংগঠনৰ সমাৱেশক লৈ নৰেন্দ্ৰ মোডী চৰকাৰ নতুনকৈ চাপত থকাৰ সময়তে উদ্যোগপতি গৌতম আদানিক সাঙুৰি প্ৰধানমন্ত্ৰীক লক্ষ্য কৰি লৈছে মেঘালয়ৰ ৰাজ্যপাল সত্যপাল মালিকে। তেওঁ অভিযোগ কৰে যে মোডী চৰকাৰে আদানিক বিবেচনা কৰি শস্যৰ বাবে নিম্নতম উমৈহতীয়া মূল্য বা এমএছপিৰ আইনী নিশ্চয়তা দিয়াৰ কথা চিন্তা কৰা নাই।
ৰাজ্যপালগৰাকীয়ে ক্ষোভ প্ৰকাৰ কৰি কয় যে এপিনে আদানি আটাইতকৈ ধনী ব্যক্তি হৈ পৰিছে আৰু কৃষকসকলে এমএছপিৰ বাবে যুঁজ দিব লগীয়া হৈছে।
লগতে পঢ়ক: Pushpa 2: ঘূৰি আহিছে পুষ্পাৰাজ! আৰম্ভ হৈছে শ্বুটিং, পুনৰ ৰূপালী পৰ্দা কঁপাব অৰ্জুন-ৰশ্মিকাই
বিভিন্ন কৃষক সংগঠনে সোমবাৰে দিল্লীৰ যন্তৰ মন্তৰত সকলো ধৰণৰ শস্যৰ বাবে এমএছপিৰ গেৰাণ্টি আৰু ঋণ ৰেহাইৰ দাবীত এক ধৰ্ণা কাৰ্যসূচী ৰূপায়ন কৰে। ইয়াৰ পূৰ্বে মোডী চৰকাৰে দিল্লীৰ সীমান্তত প্ৰায় এবছৰ ধৰি চলা প্ৰতিবাদৰ পিছত তিনিখন বিতৰ্কিত কৃষি আইন প্ৰত্যাহাৰ কৰিছিল।
কিন্তু আঠ মাহৰ পিছত কৃষক সংগঠনবোৰে পুনৰ চৰকাৰৰ ওচৰত তেওঁলোকৰ এমএছপিৰ পুৰণি দাবীলৈ ঘূৰি আহিছে। অৱশ্যে যন্তৰ মন্তৰত হাজাৰ হাজাৰ কৃষক সমবেত হোৱাৰ পিছতো ভাৰতীয় কিষাণ ইউনিয়নৰ (বিকেইউ) নেতা জগজিৎ সিং ধালিৱালে দাবী কৰে যে দিল্লীৰ সীমান্তত আৰক্ষীয়ে বহু কৃষকক বাধা দিছে। তেওঁলোকৰ গাড়ীবোৰ কৰ্ণাল বাইপাছত ৰখাই দিয়া হৈছে।
লগতে পঢ়ক: The Sun: পৃথিৱীখন গিলিবলৈ আহি আছে ভোকাতুৰ সূৰ্য! শেহতীয়া গৱেষণাত চাঞ্চল্য
ইপিনে, বিকেইউ নেতা ৰাকেশ টিকাইটে সাৱধান কৰি দি কয়,”দিল্লী আৰক্ষীয়ে চৰকাৰৰ হৈ কাম কৰি আছে। কিন্তু তেওঁলোকে কৃষকসকলৰ মাত বন্ধ কৰিব নোৱাৰে। যদি গ্ৰেপ্তাৰ কৰা হয় তেন্তে এক নতুন উৎসাহেৰে কাম আগবাঢ়িব।”
