দেশৰ স্বাধীনতা দিৱসৰ পোষ্টাৰকলৈ বিৰোধীৰ প্ৰশ্ন, ‘পোষ্টাৰত কিয় শীৰ্ষত আছে সাৱৰকাৰ? মহাত্মা গান্ধী, নেতাজী সুভাষ চন্দ্ৰ বসু আৰু ভগত সিঙৰ মূৰত বিনায়ক দামোদৰ সাৱৰকাৰ! পেট্ৰলিয়াম আৰু প্ৰাকৃতিক গেছ মন্ত্ৰালয়ে স্বাধীনতা দিৱসৰ দিনা পোষ্টাৰ শ্বেয়াৰ কৰা এই পোষ্টাৰক লৈ বিৰোধীয়ে মোদী চৰকাৰক লক্ষ্য কৰি লৈছে।
এসময়ত মহাত্মাগান্ধীক হত্যা কৰাৰ অভিযোগত অভিযুক্ত এজন ব্যক্তিক মহিমামণ্ডিত কৰাৰ চেষ্টা চলোৱা হৈছে বুলি দাবী কৰিছে বিজেপিয়ে! প্ৰশ্ন উত্থাপন হৈছে যে নিজকে ‘ব্ৰিটিছ চৰকাৰৰ নিষ্ঠাবান সেৱক’বুলি কোৱা সাৱৰকাৰে সুভাষ-ভগতৰ লগত কেনেকৈ বহিব?
কংগ্ৰেছৰ ৰাষ্ট্ৰীয় সম্পাদক কে চি বেনুগোপালে তেওঁৰ এক্স হেণ্ডেলত এনে পোষ্টাৰৰ তীব্ৰ বিৰোধিতা কৰিছে। তেওঁ ঠাট্টা কৰি কয়, “ইংৰাজৰ ওচৰত ক্ষমা বিচৰা সাৱৰকাৰৰ দৰে মানুহক গান্ধীজীৰ ওপৰত ৰখা হৈছে – আমাক স্বাধীনতা দিয়া অপৰিহাৰ্য মহাত্মা।” জৱাহৰলাল নেহৰু আৰু চৰ্দাৰ বল্লভভাই পেটেলৰ দৰে ব্যক্তিত্বক স্থান দিয়া নহ’ল কিয় সেই পোষ্টাৰত সাৱৰকাৰক স্থান দিয়া হ’ল বুলিও তেওঁ প্ৰশ্ন উত্থাপন কৰে। তেওঁ আৰু লিখিছে, “প্ৰতিটো স্বাধীনতা দিৱসতে মোদীৰ অধীনত বিজেপিয়ে ইতিহাস বিকৃত কৰাৰ সপক্ষে এটা কথা উত্থাপন কৰে যে বীৰক আঁতৰাই দেশদ্ৰোহীক অগ্ৰাধিকাৰ দিয়ে। অৱশ্যে যিসকলৰ পূৰ্বপুৰুষে ইংৰাজৰ সৈতে গোপন বুজাবুজি কৰি বিভাজনৰ বীজ সিঁচিছিল আৰু যিসকলৰ ঘৃণাই আজিও আমাক খেদি ফুৰে, তেওঁলোকৰ পৰা আৰু কি আশা কৰিব পাৰি?”
প্ৰসংগক্ৰমে সাৱৰকাৰ বিষয়ত বিজেপিৰ স্থিতি ইয়াৰ পূৰ্বেও বহুবাৰ বিতৰ্কৰ বিষয় হৈ আহিছে। সাৱৰকাৰক আন্দামান চেলুলাৰ জেলৰ পৰা জামিনত মুকলি কৰি দিয়া বিতৰ্কক একাষৰীয়া কৰি ৰাখিলেও ‘ৰাজনৈতিক হিন্দুত্ববাদী’ৰ পিতৃ হিচাপে তেওঁৰ পৰিচয় অস্বীকাৰ কৰিব নোৱাৰি। তেওঁ বিজেপি-আৰএছএছৰ মতাদৰ্শগত গুৰু বুলি কোনো বিতৰ্কৰ পৰিসৰ নাই। অৱগত জনসাধাৰণৰ এটা অংশই বিশ্বাস কৰে যে তেওঁক বাৰে বাৰে প্ৰাধান্য দিয়া আৰু হিন্দুত্ববাদী আৱেগক উচটনি দিয়াটোৱেই উদ্দেশ্য।
