ষ্টেট বেংক অফ ইণ্ডিয়া (SBI)ত একাউন্ট আছে আৰু বেংকৰ এটিএম-ডেবিট কাৰ্ড(ATM or debit Card) ব্যৱহাৰ কৰে, তেতিয়াহ’লে আপুনি সাৱধান হওক।
এছ বি আইয়ে টুইট কৰি কৈছে যে গ্ৰাহকসকলে পুৰণি মেগ্নেটিক এটিএম-ডেবিট কাৰ্ড সলনি কৰি লওক।
গ্ৰাহকসকলে এই কাম অহা ৩১ ডিচেম্বৰৰ ভিতৰত কৰিব লাগিব কিয়নো তেওঁলোকে নতুন বছৰত আৰু পুৰণি এটিএম-ডেবিট কাৰ্ডেৰে পইচা উলিয়াব নোৱাৰিব।
এতিয়া গ্ৰাহকসকলৰ হাতত নতুন এটিএম-ডেবিট কাৰ্ডৰ বাবে আবেদন কৰাৰ বাবে মাত্ৰ ২৫ দিনহে সময় আছে।
এছবিআইয়ে টুইট কৰি কৈছে যে যিসকল গ্ৰাহকৰ হাতত পুৰণি মেগ্নেটিক এটিএম-ডেবিট কাৰ্ড আছে তেওঁলোকে শীঘ্ৰে ইয়াক সলনি কৰিব লাগিব।
Apply now to change your Magnetic Stripe Debit Cards to the more secure EMV Chip and PIN based SBI Debit card at your home branch by 31st December, 2019. Safeguard yourself with guaranteed authenticity, greater security for online payments and added security against fraud. pic.twitter.com/t9K3TiGTad
— State Bank of India (@TheOfficialSBI) November 30, 2019
ইয়াৰ পৰিৱৰ্তে গ্ৰাহকে EMV চিপ থকা ডেবিট কাৰ্ড ল’ব লাগিব। ইয়াৰ বাবে অন্তিম তাৰিখ হৈছে অহা ৩১ ডিচেম্বৰ।
এছবিআইয়ে এটিএম-ডেবিট কাৰ্ডত যিকোনোধৰণৰ প্ৰৱঞ্চনাৰ পৰা ৰক্ষা কৰিবলৈ আৰু পূৰ্বতকৈ অধিক সুৰক্ষিত কৰি তুলিবলৈ নতুন ইএমভি চিপ থকা কাৰ্ড প্ৰদান কৰি আছে। এই নতুন চিপ থকা এটিএম-ডেবিট কাৰ্ড এতিয়া বিনামূলীয়াকৈ বনাব পাৰিব।
গ্ৰাহকসকলে এই কাৰ্ড ল’বলৈ নিজৰ হোম ব্ৰাঞ্চত গৈ আবেদন কৰিব লাগিব। অৰ্থাৎ যিটো ব্ৰাঞ্চত আপোনাৰ একাউন্ট আছে তাত গৈ নতুন এটিএম-ডেবিট কাৰ্ডৰ বাবে আবেদন কৰিব লাগিব।
অৱশ্যে, আপুনি যদি নেট বেংকিং ব্যৱহাৰ কৰে তেতিয়াহ’লে নতুন এটিএম-ডেবিট কাৰ্ডৰ বাবে অনলাইনতো আবেদন কৰিব পাৰিব।
